പ്രഭാസ്, പൃഥ്വിരാജ് എന്നിവർ കേന്ദ്ര കഥാപാത്രങ്ങളാകുന്ന പ്രശാന്ത് നീലിന്റെ സംവിധാനത്തിൽ എത്തുന്ന ബ്രഹ്മാണ്ഡ ചിത്രം സലാറിന്റെ കേരളത്തിലെ ബുക്കിങ് ആരംഭിച്ചു.
ചിത്രം ഇറങ്ങാന്‍ ഒരാഴ്ച ബാക്കി നില്‍ക്കെയാണ് പ്രീബുക്കിംഗ് ആരംഭിച്ചത്. ലോകവ്യാപകമായി ഡിസംബർ 22 നാണു ചിത്രം തിയേറ്ററുകളിലേക്കെത്തുന്നത്.
ബുക്ക് മൈ ഷോ, പേ ടിഎം, എന്നീ ആപ്ലിക്കേഷൻ, വെബ്സൈറ്റ് വഴി ടിക്കറ്റുകൾ റിസർവ് ചെയ്യാവുന്നതാണെന്ന് ഹോംബാലെ ഫിലിംസ് ഒഫീഷ്യൽ സോഷ്യൽ മീഡിയ പേജിലൂടെ അറിയിച്ചു.
ശ്രുതി ഹാസൻ, ജഗപതി ബാബു, ടിന്നു ആനന്ദ്, ഈശ്വരി റാവു, ശ്രീയ റെഡ്‌ഡി, രാമചന്ദ്ര രാജു എന്നിവരും പ്രധാന കഥാപാത്രങ്ങളായി എത്തുന്നുണ്ട്. വൻ താരനിര തന്നെയാണ് ചിത്രത്തിലുള്ളത്. സെൻസറിംഗ് പൂർത്തിയായ ചിത്രത്തിന് ‘എ’ സർട്ടിഫിക്കറ്റ് ആണ്. രവി ബസ്രുർ ആണ് ചിത്രത്തിന്റെ സംഗീത സംവിധാനം.
