ഡല്ഹി: സൗദിക്കൊപ്പം ഫിഫ ലോകകപ്പ് വേദി പങ്കിടാനായി ശ്രമം തുടങ്ങി ഇന്ത്യ. കഴിഞ്ഞ മാസമാണ് 2034-ലെ ലോകകപ്പ് വേദിയായി സൗദിയെ ഫിഫ പ്രഖ്യാപിച്ചത്. ഈ സാഹചര്യത്തിലാണ് സൗദിയുമായി ചര്ച്ച നടത്താന് ആള് ഇന്ത്യ ഫുട്ബോള് ഫെഡറേഷന് (എഐഎഫ്എഫ്) ഭരണസമിതിയുടെ തീരുമാനം.
ആകെ നടക്കുന്ന 104 മത്സരങ്ങളില് പത്ത് മത്സരങ്ങളിലെങ്കിലും വേദിയാകാനാണ് ഇന്ത്യയുടെ ശ്രമം. ഏഷ്യന് ഫുട്ബോള് കോണ്ഫെഡറേഷന് യോഗത്തില് സൗദി അറേബ്യയെ ഇന്ത്യ പിന്തുണച്ചിരുന്നു. സൗദിക്ക് ഒപ്പം ലോകകപ്പ് വേദി പങ്കിടാനാണ് ഇന്ത്യയുടെ ശ്രമം. ഇതിനുള്ള നീക്കങ്ങള് ഇന്ത്യ ആരംഭിച്ചതായാണ് റിപ്പോര്ട്ട്.
2030ല് യൂറോപ്പ്, ആഫ്രിക്ക, ലാറ്റിന് അമേരിക്ക എന്നിവിടങ്ങള് വേദിയാകുന്ന ലോകകപ്പാണ്. അതുകൊണ്ട് തന്നെ 2034ല് ഏഷ്യ-ഓഷ്യാന മേഖലയില് നിന്ന് മാത്രമേ ബിഡ് സ്വീകരിക്കുള്ളൂവെന്ന് വ്യക്തമാക്കിയിരുന്നു. ഈ സാഹചര്യത്തിലാണ് സൗദിക്ക് ലോകകപ്പ് വേദി ലഭിച്ചത്. ഓഷ്യാന മേഖലയില് നിന്ന് വേദിക്കായി ഓസ്ട്രേലിയയും രംഗത്തുണ്ടായിരുന്നുവെങ്കിലും അവര് പിന്മാറുകയായിരുന്നു. ഏഷ്യന് കോണ്ഫഡറേഷനിലെ യോഗത്തില് സൗദിക്ക് വലിയ പിന്തുണ ലഭിച്ചിരുന്നു. അതോടൊപ്പം തന്നെ 2027ലെ എഎഫ്സി ഏഷ്യന് കപ്പ് വേദിയും സൗദി അറേബ്യയാണ്.