വർഷത്തിൽ ഭൂരിഭാഗവും വിളവ് തരുന്ന പച്ചക്കറിയാണ് വെണ്ടയ്ക. വീട്ടിൽ തന്നെ വളർത്തി നല്ല വിളവ് നേടാവുന്നതാണ്. തോട്ടം ഇല്ലെങ്കിൽ ഗ്രോബാഗിലോ അല്ലെങ്കിൽ കണ്ടെയ്നറിലോ കൃഷി ചെയ്യാവുന്നതാണ്.
കുറഞ്ഞത് 10-12 ഇഞ്ച് വീതിയും ആഴവുമുള്ള ഒരു കലം തിരഞ്ഞെടുക്കുക. ആദ്യപടി വിത്തുകൾ വിതയ്ക്കുക എന്നതാണ്. ഇതിന് നീളമുള്ള വേരുകളാണ്, അത്കൊണ്ട് തന്നെ കണ്ടെയ്നറിൽ തന്നെ വിത്ത് നടണം.
പൂർണ്ണമായി സൂര്യ പ്രകാശം ലഭിക്കുന്ന ഒരു സ്ഥലം തിരഞ്ഞെടുക്കുക (കുറഞ്ഞത് 5-6 മണിക്കൂർ സൂര്യപ്രകാശം അത്യാവശ്യമാണ്). തക്കാളിയും കുരുമുളകും പോലെ , വെണ്ടയ്ക്കും നന്നായി ഉത്പാദിപിക്കാൻ ധാരാളം സൂര്യപ്രകാശം ആവശ്യമാണ്.
ജൈവ പദാർത്ഥങ്ങളാൽ സമ്പന്നമായ പോട്ടിംഗ് മിശ്രിതം തിരഞ്ഞെടുക്കുക.ചെടിക്ക് പോഷകങ്ങളുടെ നിരന്തരമായ വിതരണം നൽകുന്നതിന് ധാരാളം കമ്പോസ്റ്റും അല്ലെങ്കിൽ പശുവളവും ചേർക്കാം.
വെണ്ടയ്ക് നന്നായി വളരാൻ എല്ലായ്പ്പോഴും ചെറുതായി നനഞ്ഞ മണ്ണ് ആവശ്യമാണ്. മണ്ണ് ഒരേപോലെ ഈർപ്പമുള്ളതാക്കാൻ പതിവായി നനയ്ക്കുക, പ്രത്യേകിച്ച് പൂവിടുന്ന കാലഘട്ടത്തിന്റെ ആരംഭം മുതൽ ഉത്പാദനം വരെ.
മുഞ്ഞ, വെള്ളീച്ചകൾ എന്നിവ വെണ്ടയെ ബാധിച്ചേക്കാം. മെലിബഗ്ഗുകൾ ചെടിയുടെ വളർച്ചയെയും ബാധിക്കുന്നു.
വെണ്ടയ്ക്ക് പതിവായി വിളവെടുപ്പ് ആവശ്യമാണ്. നട്ട് ഏകദേശം രണ്ട് മാസത്തോളം ഇത് പൂവിടും. പൂവിട്ട് 5-7 ദിവസത്തിന് ശേഷം കായ്കൾ പ്രത്യക്ഷപ്പെടാൻ തുടങ്ങും. അധികമായി മൂക്കുന്നതിന് മുമ്പ് തന്നെ വിളവെടുക്കാൻ ശ്രദ്ധിക്കുക.