ബജാജ് തങ്ങളുടെ N150, N160 മോഡലുകള്‍ അപ്‌ഡേറ്റ് ചെയ്ത് പുറത്തിറക്കിരിക്കുകയാണിപ്പോൾ. രണ്ട് മോഡലുകളും ഇപ്പോൾ ഡിജിറ്റൽ ഇൻസ്ട്രുമെന്‍റ് കൺസോളുമായി വരുന്നു.
പുതിയ ബജാജ് പൾസർ N150 ഇപ്പോൾ കറുപ്പും വെളുപ്പും നിറങ്ങളിൽ ലഭ്യമാണ്. 2024 ബജാജ് പൾസർ N160 കറുപ്പ്, നീല, ചുവപ്പ് എന്നീ മൂന്ന് പെയിൻറ് സ്‍കീമുകളിൽ ലഭ്യമാണ്. ഈ ബൈക്കുകൾക്കായുള്ള ബുക്കിംഗ് ആരംഭിച്ചു.
ബ്ലൂടൂത്ത് കണക്റ്റിവിറ്റി കൂടി വരുന്നതോടെ ഉപയോക്താക്കൾക്ക് അവരുടെ സ്‌മാർട്ട്‌ഫോണിനെ അവരുടെ പ്രിയപ്പെട്ട പൾസർ N160, N150 എന്നിവയുമായി കണക്‌റ്റ് ചെയ്യാൻ സാധിക്കും. ഇതിലൂടെ എവിടെയായിരുന്നാലും റൈഡർക്ക് കോളുകൾ സ്വീകരിക്കുകയോ നിരസിക്കുകയോ ചെയ്യാം.
കൂടാതെ മൊബൈൽ നോട്ടിഫിക്കേഷൻ അലേർട്ടുകൾ, മൊബൈൽ സിഗ്നൽ ശക്തിയും ബാറ്ററി നില, ഗിയർ പൊസിഷൻ ഇൻഡിക്കേറ്റർ, ഡിസ്റ്റൻസ് ടു എംടി, ലൈവ് മൈലേജ്, അവറേജ് മൈലേജ് എന്നിവയും ആക്‌സസ് ചെയ്യാനാവും.
