പൊതുമേഖലാ സ്ഥാപനമായ ബിഎസ്എൻഎൽ ജീവനക്കാർ നാളെ പണിമുടക്കും. ബിഎസ്എൻഎല്ലിനെ തകർക്കുന്ന കേന്ദ്രസർക്കാർ നടപടിയിൽ പ്രതിഷേധിച്ചാണ് ബിഎസ്എൻഎൽ എംപ്ലോയീസ് യൂണിയന്റെ ആഭിമുഖ്യത്തിൽ ബിഎസ്എൻഎൽ ജീവനക്കാരുടെ നേതൃത്വത്തിൽ ഫെബ്രുവരി 16ന് പണിമുടക്ക് നടത്തുന്നത്.
കേന്ദ്രസർക്കാർ നടപടിയിൽ പ്രതിഷേധിച്ച് നടത്തുന്ന പണിമുടക്ക് വിജയിപ്പിക്കണമെന്ന് ബി എസ് എൻ എൽ എംപ്ലോയീസ് യൂണിയൻ സംസ്ഥാന സെക്രട്ടറി എം വിജയകുമാർ അഭ്യർത്ഥിച്ചു. ജീവനക്കാർക്ക് ശമ്പളപരിഷ്കരണവും ആനുകൂല്യങ്ങളും നിഷേധിക്കുന്ന കേന്ദ്രസർക്കാർ സമീപനം തിരുത്തണമെന്ന് ആവശ്യപ്പെട്ടാണ് തൊഴിലാളികൾ രാജ്യ വ്യാപകമായി പണിമുടക്കിന് ആഹ്വാനം ചെയ്തിട്ടുള്ളത്.