മൈന ക്രിയേഷൻസിന്റെ ബാനറിൽ ശിവൻകുട്ടൻ കെ എൻ നിർമ്മിച്ച്, ധ്യാൻ ശ്രീനിവാസനെ നായകനായി എത്തുന്ന പുതിയ ചിത്രമാണ് സ്വർഗ്ഗത്തിലെ കട്ടുറുമ്പ്. ചിത്രം മെയ് മാസത്തിലേക്ക് റിലീസിന് തയ്യാറെടുക്കുന്നതായി അണിയറ പ്രവർത്തകർ വ്യക്തമാക്കി. ജസ്പാൽ ഷൺമുഖൻ ആണ് ചിത്രം സംവിധാനം ചെയ്യുന്നത്. ധ്യാൻ ശ്രീനിവാസൻ, ഗായത്രി അശോക്, ജോയ് മാത്യു, നിർമൽ പാലാഴി, രാജേഷ് പറവൂർ, ജയകൃഷ്ണൻ, മനോഹരി ജോയ്, അംബിക മോഹൻ, സുധി കൊല്ലം, ടോണി, അഞ്ജു എന്നിവരോടൊപ്പം മറ്റ് പ്രമുഖ താരങ്ങളും വേഷമിടുന്നു.കഥ ശിവൻകുട്ടൻ വടയമ്പാടി, തിരക്കഥ, സംഭാഷണം വിജു രാമചന്ദ്രൻ, ഗാനങ്ങൾ സന്തോഷ് വർമ്മ, സംഗീതം ബിജിപാൽ, കല കോയാസ്, പ്രൊഡക്ഷൻ കൺട്രോളർ വിനോദ് പറവൂർ, പ്രൊജക്റ്റ് ഡിസൈനർ എൻ എം ബാദുഷ, ക്യാമറ അശ്വഘോഷൻ, എഡിറ്റർ കപിൽ കൃഷ്ണ, മേക്കപ്പ് രാജീവ് അങ്കമാലി, കോസ്റ്റ്യൂം കുമാർ എടപ്പാൾ, പിആർഒ പി ശിവപ്രസാദ്, സ്റ്റിൽസ് ശ്രീനി മഞ്ചേരി എന്നിവരാണ് ‘സ്വര്‍ഗ്ഗത്തിലെ കട്ടുറുമ്പിന്റെ’ മറ്റ് അണിയറ പ്രവർത്തകർ.
അതേസമയം വിനീത് ശ്രിനീവാസന്‍ സംവിധാനം ചെയ്യുന്ന വര്‍ഷങ്ങള്‍ക്ക് ശേഷമാണ് ധ്യാനിന്‍റെതായി ഇനി പുറത്തുവരാനുള്ള ചിത്രം. പ്രണവ് മോഹന്‍ലാല്‍ നായകനാവുന്ന വർഷങ്ങൾക്ക് ശേഷത്തിൽ ഒരു കേന്ദ്ര കഥാപാത്രത്തെ അവതരിപ്പിക്കുന്നത് ധ്യാന്‍ ആണ്. ഹൃദയം എന്ന ചിത്രത്തിന് ശേഷം വിനീത് ശ്രീനിവാസന്‍ സംവിധാനം ചെയ്യുന്ന ചിത്രം ഏപ്രില്‍ 11 ന് തിയറ്ററുകളിലെത്തും.
