തിരുവനന്തപുരം: ശബരിമല തീര്ത്ഥാടകര്ക്കുള്ള നിയന്ത്രണങ്ങളില് ഇളവ് വേണമെന്നാവശ്യപ്പെട്ട് തിരുവിതാംകൂര് ദേവസ്വം ബോര്ഡ് മുഖ്യമന്ത്രിക്ക് കത്ത് നല്കി.സന്നിധാനത്ത് എത്തുന്നവര്ക്ക് 12 മണിക്കൂര് വരെ കഴിയാന് മുറികള് അനുവദിക്കണമെന്നും ആവശ്യപ്പെട്ടിട്ടുണ്ട്. രണ്ട് ഡോസ് വാക്സിനെടുത്തവര്ക്കും ആര്ടിപിസിആര് നെഗറ്റീവ് സര്ട്ടിഫിക്കറ്റുള്ളവര്ക്കും ദര്ശനം അനുവദിക്കണം.
നെയ്യഭിഷേകം സാധാരണ രീതിയിലാക്കണം. ജലനിരപ്പ് കുറയുന്നതനുസരിച്ച് പമ്പയില് സ്നാനം അനുവദിക്കണമെന്നും ദേവസ്വം ബോര്ഡ് ആവശ്യപ്പെട്ടു. നീലിമല വഴി ഭക്തരെ അനുവദിക്കണം. നിയന്ത്രണങ്ങളില് ഇളവ് വേണമെന്ന ആവശ്യത്തില് അടുത്ത അവലോകന യോഗത്തില് തീരുമാനമുണ്ടായേക്കും.
You must be logged in to post a comment Login