നിയമസഭാ കയ്യാങ്കളി കേസിൽ സുപ്രിംകോടതി വിധി അംഗീകരിക്കുന്നുവെന്ന് വിദ്യാഭ്യാസ മന്ത്രി വി ശിവൻ കുട്ടി.കമ്മ്യൂണിസ്റ്റുകാർക്ക് സമര പോരാട്ടങ്ങൾ ധാരാളമാണ്. അതിൽ കേസുകളുണ്ടാകുമെന്നും മന്ത്രി.രാജി വയ്ക്കുന്നതുമായി ബന്ധപ്പെട്ട പരാമർശങ്ങളൊന്നും കോടതിയിൽ നിന്നും ഉണ്ടായിട്ടില്ല. കോടതി വിചാരണ നേരിടണമെന്നേ പറഞ്ഞിട്ടുള്ളൂവെന്നും മന്ത്രി പറഞ്ഞു.ജനപക്ഷത്ത് നിൽക്കുമ്പോൾ സമരം നടത്തേണ്ടി വരും. കേസുകളും ഉണ്ടാകാറുണ്ട്. നിരപരാധിത്വം തെളിയിക്കും. ഇത് ദൈനംദിന രാഷ്ട്രീയ പ്രവർത്തനത്തിന്റെ ഭാഗമായി മാത്രമേ കരുതുന്നുള്ളൂ. വിചാരണാ കോടതി നടപടികളുമായി മുന്നോട്ടു പോകട്ടെ. കേസിന്റെ വിശദാംശങ്ങൾ കോടതി പരിശോധിച്ചില്ല. വിചാരണാ കോടതിയിൽ കേസ് നടത്തി നിരപരാധിത്വം തെളിയിക്കും എന്നും മന്ത്രി കൂട്ടിച്ചേർത്തു.
You must be logged in to post a comment Login