ഒന്നര വർഷം മുമ്പുണ്ടായ മഴയിൽ തകർന്ന റോഡിൽ ഇപ്പോഴും ഗതാഗതം വിദൂരം.ചിറയിൻകീഴ് പണ്ടകശാല പുളിമൂട് കടവിൽ നിന്നും കരിന്തല ഭാഗത്തേക്ക് പോകുന്ന റോഡ് തകർന്ന് ഗതാഗതം നിലച്ചിട്ട് മാസങ്ങൾ പിന്നിടുന്നു.നാലു മാസം മുൻപ് കാർ നദിയിലേക്ക് പതിച്ച് രണ്ടു പേർ മരിച്ച സംഭവത്തിലും അധികൃതർ മൗനം പാലിച്ചു. ചിറയിൻകീഴ് പുളിമൂട് കടവിൽ വാമനപുരം നദിക്ക് സമാന്തരമായുള്ള റോഡാണ് അപകടാവസ്ഥയിൽ ആയത്. അപകടമുണ്ടാൽ പഞ്ചായത്ത് അധികൃതർ താൽക്കാലിക വേലി നിർമ്മിച്ച് റോഡിലെ ഗതാഗതം തടഞ്ഞതും നാട്ടുകാരിൽ ആക്ഷേപം ഉയർത്തിയിരുന്നു. ഇപ്പോൾ കാൽനടയാത്രക്കാർക്കും ഇരുചക്രവാഹനങ്ങൾക്കും മാത്രമേ റോഡിലൂടെ കടന്നു പോകാൻ സാധിക്കുകയുള്ളൂ. നൂറുകണക്കിന് കുടുംബങ്ങളാണ് ഈ റോഡിനെ ആശ്രയിക്കുന്നത്. എന്നാൽ ഫണ്ട് അനുവദിച്ചിട്ടുണ്ട് എന്നുള്ള പതിവ് മറുപടി ക്കപ്പുറം റോഡ് ഗതാഗത യോഗ്യമാക്കാൻ അധികൃതർ ഒരു നടപടിയും കൈക്കൊള്ളുന്നില്ല എന്നാണ് നാട്ടുകാർ പരാതിപ്പെടുന്നത്.
You must be logged in to post a comment Login