കമ്മീഷണർ എം പി ഇനി നാളികേര വികസന ബോർഡിലും,നാളികേര വികസന ബോർഡ് അംഗമായി ബിജെപി രാജ്യസഭ എംപി സുരേഷ് ഗോപിയെ തെരഞ്ഞെടുത്തു. ബോർഡ് ഡയറക്ടർ വി എസ് പി സിങ് ആണ് ഉത്തരവിറക്കിയത്. എതിരില്ലാതെയാണ് സുരേഷ് ഗോപിയെ ബോർഡ് അംഗമായി തെരഞ്ഞെടുത്തിരിക്കുന്നത്. നാളികേര വികസന ബോർഡ് മെമ്പറായി എതിരില്ലാതെ തെരഞ്ഞെടുക്കപ്പെട്ട രാജ്യസഭാംഗം സുരേഷ് ഗോപിക്ക് അഭിനന്ദനങ്ങൾ എന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ ഫെയ്‌സ്ബുക്കിൽ കുറിച്ചു.
കേരളത്തിലെ നാളികേര കർഷകരുടെ പ്രശ്‌നങ്ങൾക്ക് പരിഹാരം കാണാൻ അദ്ദേഹത്തിന്റെ ഈ നിയോഗം ഉപകാരപ്പെടുമെന്നും സുരേന്ദ്രൻ കൂട്ടിച്ചേർത്തു.
You must be logged in to post a comment Login