ഗുവാഹാത്തി: അസം-മിസോറാം അതിർത്തിയിൽ നടന്ന ഏറ്റുമുട്ടലിൽ ആറ് പോലീസ് ഉദ്യോഗസ്ഥർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്ത സംഭവം അംഗീകരിക്കാനാകില്ലെന്ന് അസം മുഖ്യമന്ത്രി ഹിമന്ത ബിശ്വശർമ. അതിർത്തി സംഘർഷത്തിൽ പ്രശ്ന പരിഹാരത്തിനായി സുപ്രീം കോടതിയെ സമീപിക്കുമെന്നും പക്ഷേ, തന്റെ ഉദ്യോഗസ്ഥർക്കെതിരായ അന്വേഷണം അനുവദിക്കില്ലെന്നും മുഖ്യമന്ത്രി.
” എനിക്കെതിരെ ഒരു എഫ്ഐആർ ഫയൽ ചെയ്യുന്നതുകൊണ്ട് പ്രശ്നം പരിഹരിക്കാൻ സാധിക്കുമെങ്കിൽ ഞാനതിൽ സന്തുഷ്ടനാണ്. ഏത് പോലീസ് സ്റ്റേഷനിലും ഹാജരാകാൻ തയ്യാറുമാണ്. പക്ഷേ, ഞങ്ങളുടെ ഉദ്യോഗസ്ഥർക്ക് എതിരായ അന്വേഷണം അനുവദിക്കില്ല.”- അസം മുഖ്യമന്ത്രി പറഞ്ഞു. ക്വാറന്റീൻ പൂർത്തിയാക്കിയ ശേഷം വിളിക്കാമെന്ന് മിസോറാം മുഖ്യമന്ത്രി സോറംതംഗ ഉറപ്പ് നൽകിയതായും അതിർത്തി തർക്കങ്ങൾ ചർച്ചയിലൂടെ മാത്രമേ പരിഹരിക്കാനാകൂയെന്നും അദ്ദേഹം പറഞ്ഞു.
You must be logged in to post a comment Login