കനത്ത മഴ;ഡൽഹി നഗരം വെള്ളക്കെട്ടിൽ

ന്യൂ ഡൽഹി: കനത്ത മഴയെ തുടർന്ന് യമുനയിലെ ജലനിരപ്പ് അപകടകരമായ നിലയിലേക്ക് ഉയരുകയാണ്. ഞായറാഴ്ച രാവിലെ ഒമ്പത് മണിയോടെ ജലനിരപ്പ് 205.30 മീറ്ററാണ് രേഖപ്പെടുത്തിയത്. 205.33 മീറ്ററിലേക്ക് എത്തുന്നതോടെ ജലനിരപ്പ് അപകട നിലയിലേക്കെത്തും. കനത്ത മഴയെ തുടർന്ന് ഡൽഹി നഗരത്തിലെ പല ഭാഗങ്ങളിലും വെളളം കയറി. ചില സ്ഥലങ്ങളിൽ വാഹന ഗതാഗതവും തടസ്സപ്പെട്ടു. ജലനിരപ്പ് തുടർച്ചയായി ഉയരുന്നതിനാൽ നൈനി നദിയുടെ സമീപ പ്രദേശത്ത് താമസിക്കുന്ന ആളുകൾ ആശങ്കയിലാണ്. അടുത്ത മണിക്കൂറുകളിലും ഡൽഹിയിലും സമീപ പ്രദേശത്തങ്ങളിലും ഇടിമിന്നലോടുകൂടിയ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്. മഴ തുടർന്നാൽ തലസ്ഥാനത്തെ താഴ്ന്ന പ്രദേശങ്ങളിൽ ഇനിയും വെള്ളം കയറാൻ സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പു നൽകി. ഈ മേഖലകളിൽ ഞായറാഴ്ച യെല്ലോ അലേർട്ടും തിങ്കളാഴ്ച ഓറഞ്ച് അലേർട്ടും പ്രഖ്യാപിച്ചിട്ടുണ്ട്.