ആദ്യ പ്രദർശനത്തിന് മുൻപ് പുതിയ ക്രേറ്റയുടെ ചിത്രങ്ങൾ ഓൺലൈനിൽ. സമൂഹമാധ്യമങ്ങളിലൂടെയാണ് ക്രേറ്റയുടെ ചിത്രങ്ങൾ പുറത്തുവന്നത്. നിലവിലുള്ള ക്രേറ്റയിൽ നിന്ന് കാര്യമായ മാറ്റങ്ങളുമായാണ് പുതിയ വാഹനം പുറത്തിറങ്ങുക.
hyundai-creta-2
പുതിയ ട്യൂസോണിന് സമാനമായ രൂപമാണ് ക്രേറ്റയ്ക്ക്. മുൻ ഭാഗത്തെ ആകർഷണം പാരാമെട്രിക് ഗ്രില്ലും എൽഇഡി ഡേടൈം റണ്ണിങ് ലാംപുകളും. നിലവിലെ ക്രേറ്റയ്ക്ക് സമാനമായി ഡേടൈം റണ്ണിങ് ലാംപുകൾക്ക് താഴെയാണ് ഹെഡ്ലാംപ്. പിന്നിൽ കൂടുതൽ സ്പോർട്ടിയറും ഷാർപ്പറുമായി ടെയിൽ ലാംപും മാറ്റങ്ങൾ വരുത്തിയ ബൂട്ട് ലിഡും ഉണ്ട്.
hyundai-creta-3
പുറം മോടിയിൽ മാത്രം ഒതുക്കാതെ മാറ്റങ്ങൾ ഉൾഭാഗത്തുമുണ്ട്. അൽക്കസാറിലേതിനു സമാനമായ 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, 8 ബോസ് സ്പീക്കറുകളോടും കൂടിയ സൗണ്ട് സിസ്റ്റം, 8 ഇഞ്ച് ടച്ച് സ്ക്രീൻ ഇൻഫോടെയിൻമെന്റ് സിസ്റ്റം എന്നിവയുണ്ട്. കൂടാതെ വെന്റിലേറ്റഡ് മുൻ സീറ്റുകൾ, പേഴ്സനൽ എൽഇഡി ലാംപ്, പനോരമിക് സൺറൂഫ്, എയർ പ്ര്യൂരിഫയർ തുടങ്ങിയ സൗകര്യങ്ങളും വാഹനത്തിലുണ്ടാകും.
hyundai-creta-4
പുതുക്കിയ ബ്ല്യൂ ലിങ്കും അഡ്വാൻസിഡ് ഡ്രൈവർ അസിസ്റ്റ് സേഫ്റ്റി ഫീച്ചറുകളും പുതിയ ക്രേറ്റയിലുണ്ട്. ഇന്തോനീഷ്യൻ വിപണിയിൽ 1.5 ലീറ്റർ പെട്രോൾ എൻജിനോടെ മാത്രമായിരിക്കും വാഹനം പുറത്തിറങ്ങുക. എന്നാൽ ഇന്ത്യയിൽ പെട്രോൾ, ഡീസൽ വകഭേദങ്ങളിൽ വാഹനം പുറത്തിറങ്ങുമെന്നാണ് പ്രതീക്ഷിക്കുന്നത്.
hyundai-creta-1
നേരത്ത പുതിയ ക്രേറ്റയുടെ ടീസർ ഹ്യുണ്ടേയ് ഇന്തൊനീഷ്യ പുറത്തിവിട്ടിരുന്നു. ഈ മാസം 11 മുതൽ 21 വരെ നടക്കുന്ന ഇന്തൊനീഷ്യൻ ഓട്ടോഷോയിൽ വാഹനം പ്രദർശിപ്പിക്കും എന്നാണ് ടീസർ വിഡിയോയും ചിത്രങ്ങളും പുറത്തുവിട്ട് ഹ്യുണ്ടേയ് അറിയിച്ചിരുന്നത്. എന്നാൽ ഇപ്പോൾ ആദ്യ പ്രദർശനത്തിന് മുന്നേ തന്നെ വാഹനത്തിന്റെ ചിത്രങ്ങൾ സമൂഹമാധ്യമങ്ങളിൽ താരമായി.
You must be logged in to post a comment Login