ഫെബ്രുവരി ഒമ്പതിനാണ് റെഡ്മി നോട്ട് 11 സ്മാര്ട്ഫോണുകള്ക്കൊപ്പം റെഡ്മി സ്മാര്ട് ബാന്ഡ് പ്രോയും കമ്പനി പുറത്തിറക്കിയത്. 1.47 ഇഞ്ച് അമോലെഡ് ഡിസ്പ്ലേയുമായെത്തുന്ന സ്മാര്ട് ബാന്ഡ് പ്രോയില് 110 വര്ക്കൗട്ട് മോഡുകളുണ്ട്. എംഐ.കോം, എംഐ ഹോം, ആമസോണ്.ഇന് എന്നീ ഓണ്ലൈന് സ്റ്റോറുകളിലും രാജ്യത്തുടനീളമുള്ള ഓഫ്ലൈന് സ്റ്റോറുകളിലും ഇത് വില്പനയ്ക്കെത്തും.
3999 രൂപയാണ് സ്മാര്ട്ബാന്ഡ് പ്രോയുടെ വില. എന്നാല് പരിമിത കാല ഓഫറായി 3499 രൂപയ്ക്ക് ഫെബ്രുവരി 14 മുതല് ബാന്ഡ് വാങ്ങാനാവും.
ഷാവോമിയുടെ എംഐ ബാന്ഡുകളില് നിന്ന് വെത്യസ്തമായി കൂടുതല് വലിപ്പമുള്ള സ്ക്രീന് ആണ് റെഡ്മി സ്മാര്ട് ബാന്ഡ് പ്രോയ്ക്ക്. ഡിസ്പ്ലേ എപ്പോഴും ഓണ് ആയിരിക്കും.
ഓട്ടോ ബ്രൈറ്റ്നെസ് ഡിറ്റക്ഷന് സംവിധാനം, ഓക്സിജന് ലെവല് പരിശോധന, തുടര്ച്ചയായി പ്രവര്ത്തിക്കുന്ന ഹാര്ട്ട് റേറ്റ് മോണിറ്റര് എന്നീ സംവിധാനങ്ങളും ഇതിലുണ്ട്.
കൃത്യതയോടെ ആരോഗ്യം നിരീക്ഷിക്കുന്ന അല്ഗൊരിതമാണിതിലെന്ന് കമ്പനി അവകാശപ്പെടുന്നു.
വാട്ടര് റസിസ്റ്റന്റ് ആണെന്നതിന് പുറമെ 14 വാട്ടര് ഫിറ്റ്നസ് മോഡുകളും ഇതിലുണ്ട്.
14 ദിവസം ഇതില് ചാര്ജ് ലഭിക്കും. ലിഥിയം പോളിമര് ബാറ്ററികളാണ് ഇതില് ഉപയോഗിച്ചിട്ടുള്ളത്. 15 ഗ്രാം ഭാരമുണ്ട് ഇതിന്.
You must be logged in to post a comment Login