ജപ്പാനിലെ സുസുക്കി മോട്ടോർ കമ്പനിക്കു ഗുജറാത്തിലുള്ള നിർമാണശാലയിൽ മാരുതി സുസുക്കിക്കും ടൊയോട്ടയ്ക്കുമുള്ള വൈദ്യുത കാറുകൾ ഉൽപ്പാദിപ്പിക്കാൻ നീക്കം. അഹമ്മദബാദിനടുത്ത് ഹൻസാൽപൂരിലുള്ള സുസുക്കി മോട്ടോർ കോർപറേഷൻ(എസ്എംസി) ശാലയിൽ മാരുതിയുടെയും ടൊയോട്ടയുടെയും വൈദ്യുത കാറുകൾ നിർമിക്കുന്നതു സംബന്ധിച്ച ചർച്ചകൾക്കും തുടക്കമായിട്ടുണ്ട്.
മാരുതി സുസുക്കിയുടെ മാതൃസ്ഥാപനമായ സുസുക്കിയെ കേന്ദ്ര സർക്കാർ പ്രഖ്യാപിച്ച പ്രൊഡക്ഷൻ ലിങ്ക്ഡ് ഇൻസന്റീവ് (പി എൽ ഐ) പദ്ധതി പ്രകാരമുള്ള ആനുകൂല്യങ്ങൾക്കു തിരഞ്ഞെടുത്തിട്ടുണ്ട്. ഈ പശ്ചാത്തലത്തിലാണു മാരുതിക്കും ടൊയോട്ടയ്ക്കുമുള്ള വൈദ്യുത കാർ നിർമിക്കാൻ സുസുക്കി മോട്ടോർ ഗുജറാത്ത് പ്രൈവറ്റ് ലിമിറ്റഡ് തയാറെടുക്കുന്നത്.
You must be logged in to post a comment Login