റേഷന്‍ നേരിട്ട് വീടുകളില്‍ വിതരണം ചെയ്യുന്ന പദ്ധതി പഞ്ചാബില്‍ നടപ്പാക്കുമെന്ന് അരവിന്ദ് കെജ്രിവാള്‍. ഉദ്യമം നടപ്പില്‍ വരുത്തുന്നതോടെ രാജ്യമെങ്ങും ഈ പദ്ധതിയ്ക്കായി ആവശ്യമുയരുമെന്നും കെജ്‌രിവാൾ.
കേന്ദ്രസര്‍ക്കാരിന്റെ എതിര്‍പ്പുകള്‍ കാരണം ഡല്‍ഹിയില്‍ റേഷന്‍ നേരിട്ട് വീടുകളില്‍ വിതരണം ചെയ്യുന്ന പദ്ധതി നടപ്പിലാക്കുവാൻ സാധിച്ചില്ലെന്നും പഞ്ചാബില്‍ ഭഗവന്ത് മനിന്റെ സര്‍ക്കാര്‍ പദ്ധതി നടപ്പാക്കുന്നതോടെ രാജ്യമെങ്ങും ഈ പദ്ധതിയ്ക്കായി ആവശ്യമുയരുമെന്നും കെജ്രിവാള്‍ പറഞ്ഞു.സ്വാതന്ത്ര്യം ലഭിച്ച് ഇത്രയും നാളുകളായിട്ടും നീണ്ട ക്യൂവില്‍ നിന്ന് സാധനങ്ങള്‍ വാങ്ങാന്‍ വിധിക്കപ്പെട്ട ആളുകളാണ് നമ്മളെന്നും കെജ്‌രിവാൾ പറഞ്ഞു. വീടുകളില്‍ പിസ്സ ഓര്‍ഡര്‍ ചെയ്തു വാങ്ങാന്‍ സാധിക്കും, എന്നാല്‍ റേഷന്‍ വാങ്ങാന്‍ സാധിക്കുമോ എന്നാണ് അരവിന്ദ് കെജ്‌രിവാൾ ചോദിച്ചത്. വീട്ടുവാതിലില്‍ റേഷന്‍ വിതരണം ചെയ്യുന്നതിന്റെ ഭാഗമായി ഉത്പന്നങ്ങള്‍ ആളുകള്‍ക്ക് നേരിട്ട് എത്തിക്കുവാനാണ് ലക്ഷ്യമിടുന്നത്.
അധികാരത്തിലെത്തിയ ശേഷം പഞ്ചാബില്‍ ആം ആദ്മി വലിയ മാറ്റങ്ങൾ കൊണ്ടുവരാൻ ശ്രമിക്കുകയാണ്. എംഎല്‍എ പെന്‍ഷന്‍ വെട്ടിച്ചുരുക്കി നേരത്തെ സർക്കാർ രംഗത്ത് വന്നിരുന്നു. ഇതിന് പിന്നാലെയാണ് ഡല്‍ഹിയില്‍ നടപ്പാക്കാനിരുന്ന പദ്ധതി പഞ്ചാബില്‍ നടപ്പാക്കാന്‍ ആംആദ്മി ഒരുങ്ങുന്നത്.
You must be logged in to post a comment Login