കാട്ടാക്കട: ഇരുതല മൂരിയെ വിൽക്കാൻ ശ്രമിച്ച യുവാക്കൾ പിടിയിലായി.കല്ലിയൂർ കാക്കാമൂല സി.ബി.എസ് ഭവനിൽ അനീഷ് ചന്ദ്രൻ(25),കൊല്ലം പുത്തംകുളംകരിമ്പാനൂർ തങ്ങൾവിള വീട്ടിൽ കെ.സലിം(40)എന്നിവരാണ് പിടിയിലായത്.തിരുവനന്തപുരം വെള്ളയാണി കായലിനു സമീപത്ത് ഇരുതല മൂരിയുമായി ബുള്ളറ്റ് ബൈക്കിൽ വില്പനയ്ക്ക് എത്തിയതായിരുന്നു ഇവർ. കാക്കാമൂല വച്ചാണ് പ്രതികൾ പിടിയിലായത്.പരുത്തിപ്പള്ളി ഫോറസ്റ്റ് റേഞ്ച് ഓഫീസർ എൽ.സുധീഷ് കുമാർ,ഡെപ്യൂട്ടി റേഞ്ചർ വി.സുനിൽ,സെക്ഷൻ ഫോറസ്റ്റ് ഓഫീസർ ബിന്ദു,ബീറ്റ് ഫോറസ്റ്റ് ഓഫീസർമാരായ ടിനേഷ്,മുകേഷ്,രാഹുൽ,ഡ്രൈവർ ദീപു,വാച്ചർ ശരത് എന്നിവർ ചേർന്നാണ് പ്രതികളെ പിടികൂടിയത്.പ്രതികളെയും തൊണ്ടിയും വനം കോടതിയിൽ ഹാജരാക്കി.
