കല്ലമ്പലം: പള്ളിക്കൽ മൂതലയിൽ വർഷങ്ങളായി വാടക കെട്ടിടത്തിൽ പ്രവർത്തിക്കുന്ന ആയുർവേദ ആശുപത്രിക്ക് സ്വന്തം കെട്ടിടമായി. നാട്ടുകാർ പിരിവെടുത്ത് 21 സെന്റ്‌ ഭൂമി വാങ്ങി പഞ്ചായത്തിന് നൽകിയതോടെയാണ്‌ പള്ളിക്കൽ ഗ്രാമപഞ്ചായത്ത് ഭരണ സമിതി 20 ലക്ഷം രൂപ കെട്ടിടം നിർമ്മിക്കാനായി അനുവദിച്ച് നിർമ്മാണം പൂർത്തിയാക്കിയത്. കുന്നിൻ പ്രദേശമായിരുന്ന സ്ഥലത്ത് മണ്ണിടിച്ച് മാറ്റിയാണ് ആശുപത്രിക്ക് കെട്ടിടം പണിതത്‌. കെട്ടിടം പൂർത്തിയായി ഒരു വർഷത്തിലധികമായിട്ടും അടിസ്ഥാന സൗകര്യങ്ങൾ കുറവായതിനാൽ കെട്ടിടത്തിന്റെ ഉദ്ഘാടനം വൈകുകയായിരുന്നു. പോരായ്മകൾ പരിഹരിച്ച് ഇന്ന് ഡിസ്പെൻസറി ജനങ്ങൾക്കായി തുറന്നുകൊടുക്കും. ഇതിന്റെ ഉദ്ഘാടനം ഇന്ന് ഉച്ചയ്ക്ക് 2ന് മന്ത്രി വീണാ ജോർജ് നിർവഹിക്കും. അഡ്വ.വി.ജോയി എം.എൽ.എ അദ്ധ്യക്ഷത വഹിക്കും
