സ്കോട്ട്ലൻഡിലെ എഡിൻബർഗ് മൃഗശാലയിലുള്ള ഒരു പെൻഗ്വിനാണ് നോർവീജിയൻ ആർമിയിലെ മൂന്നാമത്തെ ഉയർന്ന റാങ്കിലേക്ക് സ്ഥാനക്കയറ്റം ലഭിച്ചത്. സർ നിൽസ് ഒലാവ് മൂന്നാമൻ എന്നാണ് ഈ പെൻഗ്വിനിന്റെ പേര്. സ്ഥാനക്കയറ്റം ലഭിച്ചതോടുകൂടി ലോകത്തിലെ തന്നെ ഏറ്റവും ഉയർന്ന റാങ്കിങ്ങുള്ള പെൻഗ്വിനായി മാറിയിരിക്കുകയാണ് സർ നിൽസ്.
നോർവിജിയൻ കിങ്സ് ഗാർഡിലെ 160 ൽ പരം സൈനികർ പങ്കെടുത്ത ഔദ്യോഗിക ചടങ്ങിലാണ് സർ നിൽസിന് സ്ഥാനകയ്യറ്റം നൽകിയത്. ചടങ്ങിന്റെ ചിത്രങ്ങൾ എഡിൻബർഗ് മൃഗശാല സോഷ്യൽമീഡയയിലൂടെ പങ്കുവച്ചിട്ടുണ്ട്. സേനയിലെ മറ്റ് അംഗങ്ങൾക്കൊപ്പം ബാഡ്ജ് ധരിച്ച് നിൽക്കുന്ന സർ നിൽസിനെ ചിത്രങ്ങളിൽ കാണാം.1972 മുതലാണ് നോർവീജിയൻ കിങ്സ് ഗാർഡിന്റെ ചിഹ്നമായ പെൻഗ്വിന് ഔദ്യോഗിക സ്ഥാനം നൽകി തുടങ്ങിയത്. അന്ന് മുതൽ തുടങ്ങി മൂന്ന് പെൻഗ്വിനുകൾക്ക് സൈന്യം ഔദ്യോഗിക പദവി നൽകിയിട്ടുണ്ട്. തിരഞ്ഞെടുക്കുന്ന പെൻഗ്വിനുകൾക്കൊക്കെ മിൽസ് ഒലാവ് എന്ന പേരാണ് നൽകിവരുന്നത്.