മെഡൽ വേട്ട തുടങ്ങി ഇന്ത്യ. പത്തൊമ്പതാം ഏഷ്യൻ ഗെയിംസിൽ ഷൂട്ടിങ്ങിലും തുഴച്ചിലിലും ഇന്ത്യ മെഡൽ നേടി. ഷൂട്ടിങ്ങിൽ 10 മീറ്റർ റൈഫിളിൽ മെഹുലി ഘോഷ്, രമിത, ആഷി ചൗക്സി എന്നിവരെ അടങ്ങിയ സംഘം വെള്ളി മെഡൽ നേടി. തുഴച്ചിലിൽ അർജുൻ ലാൽ, അരവിന്ദ് സിംഗ് എന്നിവരും വെള്ളി മെഡലിന് അർഹത നേടി. 10 മീറ്റർ റൈഫിളിൽ ചൈന സ്വർണ്ണവും മംഗോളിയ വെങ്കലവും കരസ്ഥമാക്കി.
12,000 ത്തോളം കായിക താരങ്ങളാണ് ഒക്ടോബർ 8 വരെ നടക്കുന്ന ഏഷ്യൻ ഗെയിംസിൽ 45 രാജ്യങ്ങളിൽ നിന്നായി പങ്കെടുക്കുന്നത്. ആകെ 40 കായിക ഇനങ്ങൾ ഉള്ളതിൽ 39 ഇനങ്ങളിലും ഇന്ത്യ മത്സരിക്കുന്നുണ്ട്. 40 കായിക ഇനങ്ങളിൽ 481 മെഡലുകളാണ് ആകെ ഉള്ളത്.
2018ൽ നടന്ന ഏഷ്യൻ ഗെയിംസിൽ 16 സ്വർണ്ണവും 23 വെള്ളിയും ഉൾപ്പെടെ 70 മെഡലുകളാണ് ഇന്ത്യ നേടിയത്. ഏഷ്യാഡിന്റെ ചരിത്രത്തിലെ തന്നെ ഏറ്റവും വലിയ സംഘമായ ഇന്ത്യൻ ടീമിൽ 655 അംഗങ്ങളാണ് ഉള്ളത്. ഹോക്കി നായകനായ ഹർമൻ പ്രീത സിങ്ങും ബോക്സറായ ലവ്ലീന ബോർഗോ ഹെയ്‌നും ഉദ്ഘാടന ചടങ്ങിൽ ഇന്ത്യയ്‌ക്കുവേണ്ടി പതാകേണ്ടി.
