ഇന്ത്യക്കാര്ക്ക് പുതിയ നിയന്ത്രണങ്ങള് ഏര്പ്പെടുത്തിയിരിക്കുകയാണ് സ്പോട്ടിഫൈ. ഇനി മുതല് സൗജന്യ സേവനം ലഭ്യമാകുന്നതിന് പരിധികളുണ്ടാകുമെന്നാണ് റിപ്പോര്ട്ട്. പാട്ടുകള് പ്ലേ ചെയ്യുന്ന ക്രമം തെരഞ്ഞെടുക്കുന്നത് മുതല് ട്രാക്കുകള് എങ്ങനെ പ്ലേ ചെയ്യാം എന്നതിന് വരെ കമ്പനികള് നിയന്ത്രണം ഏര്പ്പെടുത്തുമെന്നാണ് റിപ്പോര്ട്ട്.
ഈ ആഴ്ച ആദ്യം പുറത്തിറക്കിയ അപ്ഡേറ്റിന്റെ ഭാഗമായി സൗജന്യ പ്ലാനിലെ ഉപഭോക്താക്കള്ക്ക് പ്ലാറ്റ്ഫോം വഴി മ്യൂസിക്ക് എങ്ങനെ ആക്സസ് ചെയ്യാനാകുമെന്നത് സംബന്ധിച്ച് കമ്പനി നിയന്ത്രണമേര്പ്പെടുത്തിയിരുന്നു. സ്പോട്ടിഫൈ പ്രീമിയം സബ്സ്ക്രിപ്ഷന് ഇല്ലാതെ ഉപഭോക്താക്കള്ക്ക് ‘സ്മാര്ട്ട് ഷഫിള്’ പ്ലേ ലിസ്റ്റ് ഓപ്ഷന് ഓഫാക്കാനോ ഏതെങ്കിലും ക്രമത്തില് പാട്ടുകള് പ്ലേ ചെയ്യാനോ പരമ്പരാഗത ഷഫിള് ഓപ്ഷന് ഉപയോഗിക്കാനോ കഴിയില്ല.
പുതിയ നിയന്ത്രണ പ്രകാരം സ്പോട്ടിഫൈ ഉപഭോക്താക്കളെ ട്രാക്കുകള് ‘സ്ക്രബ്ബിംഗ്’ ചെയ്യുന്നതില് നിന്നും തടയും. ഇതിനര്ത്ഥം ഒരു പാട്ട് പ്ലേ ചെയ്യാന് തുടങ്ങിയാല്, ട്രാക്കിന്റെ ഏതെങ്കിലും ഭാഗം മാത്രം കേള്ക്കാനാകില്ല എന്നാണ്. ട്രാക്കിന്റെ ആരംഭത്തിലേക്ക് പോകാന് ബാക്ക് ബട്ടണ് ടാപ്പു ചെയ്യേണ്ടി വരും. ഒരു പാട്ട് ആവര്ത്തിച്ച് പ്ലേ ചെയ്യാന് പ്രീമിയം സബ്സ്ക്രിപ്ഷന് ആവശ്യമാണ്. ആന്ഡ്രോയിഡിലെ സ്പോട്ടിഫൈയിലാണ് നിലവില് നിയന്ത്രണങ്ങളുള്ളത്.