തുടര്ച്ചയായി ഉയര്ന്നുകൊണ്ടിരുന്ന സ്വര്ണവിലയില് ഇന്ന് ഇടിവ് രേഖപ്പെടുത്തി. സ്വര്ണം പവന് 200 രൂപ വീതമാണ് കുറഞ്ഞിരിക്കുന്നത്. ഇതോടെ ഒരു പവന് 22 കാരറ്റ് സ്വര്ണത്തിന്റെ വില 45080 രൂപയിലെത്തി. ഇടിവുണ്ടായതോടെ സ്വര്ണം ഗ്രാമിന് 5635 രൂപയിലുമാണ് വ്യാപാരം പുരോഗമിക്കുന്നത്. കഴിഞ്ഞ രണ്ട് ദിവസമായി സ്വര്ണവില നല്ല കുതിപ്പിലാണ് മുന്നേറിയിരുന്നത്. ഒരു ഗ്രാം സ്വര്ണത്തിന് 5660 രൂപയായിരുന്നു വെള്ളിയാഴ്ച വില. ഒരു പവന് സ്വര്ണത്തിന് വില 45,280 രൂപയുമായിരുന്നു.
ഇസ്രയേല്-ഹമാസ് യുദ്ധസാഹചര്യത്തില് അന്താരാഷ്ട്ര സ്വര്ണ്ണവില 1,950 ഡോളറിന് മുകളിലേക്ക് ഉയര്ന്നു. 1931 ഡോളര് വരെ പോയിരുന്ന സ്വര്ണ്ണവില കഴിഞ്ഞ രണ്ട് ദിവസമായി ചെറിയതോതില് താഴ്ന്ന് 1910 ഡോളറിലേക്ക് എത്തിയതിനു ശേഷം വീണ്ടും 1940 ഡോളറില് മുകളിലേക്ക് എത്തിയിരിക്കുകയാണ്. ബുധനാഴ്ച ഏഷ്യന് സെഷനില് സ്വര്ണ വില ട്രോയ് ഔണ്സിന് 1,940 ഡോളര് ഉയര്ന്ന് വ്യാപാരം തുടര്ന്നു.