സെൽ ബ്രോഡ്കാസ്റ്റിംഗ് സംവിധാനവുമായി ബന്ധപ്പെട്ട പരീക്ഷണാർത്ഥം കേരളത്തിൽ ഉപയോഗിക്കുന്ന മൊബൈൽ ഫോണുകളിൽ നാളെ വലിയ ശബ്ദത്തോടെ അലർട്ടുകൾ എത്തും. രാവിലെ 11 മണി മുതൽ വൈകിട്ട് നാലു വരെയുള്ള സമയത്ത് ഫോണുകളിൽ എത്തുന്ന അലർട്ടിൽ ആശങ്കപ്പെടേണ്ടതില്ലെന്ന് കേന്ദ്ര ടെലികോം വകുപ്പ് അറിയിച്ചു. മൊബൈൽ ഫോണുകളിൽ പ്രകൃതിദുരന്തങ്ങൾ സംബന്ധിച്ച അടിയന്തര അറിയിപ്പുകൾ ലഭ്യമാക്കുന്നതിനായി സെൽ ബ്രോഡ്കാസ്റ്റിംഗ് സംവിധാനവുമായി ബന്ധപ്പെട്ട പരീക്ഷണാർത്ഥമാണ് നാളെ വലിയ ശബ്ദത്തോടെ എമർജൻസി അലർട്ടുകളായി ഫോണുകളിൽ എത്തുക.
ദേശീയ ദുരന്തനിവാരണ അതോറിറ്റി കേന്ദ്ര ടെലി കമ്മ്യൂണിക്കേഷൻ വകുപ്പ് സംസ്ഥാന ജില്ലാ ദുരന്തനിവാരണ അതോറിറ്റികൾ എന്നിവ ചേർന്ന് നടത്തുന്ന ഈ പരീക്ഷണത്തിലൂടെ അപകട മുന്നറിയിപ്പുകൾ ഒക്ടോബർ മുതൽ ജനങ്ങളിലേക്ക് എത്തിക്കാനാണ് സർക്കാർ ശ്രമിക്കുന്നത്. മൊബൈൽ ഫോണുകളിലൂടെയുള്ള അലർട്ടിന് പുറമേ ടിവി റേഡിയോ സമൂഹമാധ്യമങ്ങൾ തുടങ്ങിയവയിലൂടെയും സമാനമായ അലർട്ടുകൾ നൽകാനുള്ള ശ്രമം നടന്നുകൊണ്ടിരിക്കുകയാണ്.