കോഴിക്കോട് ജില്ലാ കളക്ടർക്ക് മാവോയിസ്റ്റുകളുടെ പേരിൽ ഭീഷണിക്കത്ത് അയച്ച സംഭവത്തിൽ അന്വേഷണം ഊർജിതമാക്കി പൊലീസ്. സംഭവത്തിൽ നടക്കാവ് പൊലീസ് കേസ് രജിസ്റ്റർ ചെയ്തു.
ഇത് കൂടാതെ സംസ്ഥാന സർക്കാരിന്റെ നവകേരള സദസും കോൺഗ്രസിന്റെ പലസ്തീൻ ഐക്യദാർഢ്യ റാലിയും നടക്കുന്ന കോഴിക്കോട് ബീച്ചിൽ പോലീസ് ഈ സാഹചര്യത്തിൽ സുരക്ഷ ശക്തമാക്കിയിട്ടുണ്ട്.
പിണറായി പൊലീസിന്റെ വേട്ട തുടർന്നാൽ, കൊച്ചിയിൽ പൊട്ടിച്ചതു പോലെ കോഴിക്കോടും പൊട്ടിക്കുമെന്നാണ് കളക്ടർ സ്നേഹീൽ കുമാർ സിംഗിന് ലഭിച്ച കത്തിലെ ഭീഷണി. വ്യാജ കമ്യൂണിസ്റ്റുകളുടെ വേട്ടയാടലിനെതിരെ തിരിച്ചടി നടത്തുമെന്നും കത്തിൽ വ്യക്തമാക്കുന്നുണ്ട്. സിപിഐഎംഎല്ലിന്റെ പേരിലുള്ള കത്ത് കഴിഞ്ഞ ദിവസമാണ് കളക്ടറേറ്റിൽ ലഭിച്ചത്.
