യൂറിക് ആസിഡ് വര്ധിക്കുന്നത് പലരിലും ആരോഗ്യപ്രശ്നങ്ങള് ഉണ്ടാക്കും. മനുഷ്യരില് പ്യൂരിന് എന്ന പ്രോട്ടീനിന്റെ ദഹനപ്രക്രിയയുടെ ഭാഗമായി ലഭിക്കുന്ന അന്തിമ ഉല്പന്നമാണ് യൂറിക് ആസിഡ്. 7.2 വരെയാണ് ഇതിന്റെ സാധാരണ റേഞ്ചെങ്കിലും 6 കടന്നാല് തന്നെ അപകടമാണ്. സന്ധികളിലോ കാലിലോ വരുന്ന നീര്, വേദന തുടങ്ങിയവയ്ക്ക് പുറമെ, യൂറിക് ആസിഡ് വര്ധിക്കുന്നത് ഹൃദയാരോഗ്യത്തെയും കിഡ്നിയുടെ ആരോഗ്യത്തെയും പ്രതികൂലമായി ബാധിക്കും
യൂറിക് ആസിഡ് പ്രശ്നങ്ങള് ഭക്ഷണവുമായി ബന്ധപ്പെട്ടിരിക്കുന്നു. ഗ്ലൂക്കോസ് ശരീരത്തില് അധികമാകുന്നതും ഹൈ കലോറി ഡയറ്റും യൂറിക് ആസിഡ് കൂടാന് കാരണമാകും. പഴങ്ങളില് പ്രധാനമായും കാണപ്പെടുന്ന പഞ്ചസാര, രക്തത്തില് ഫ്രക്ടോസിന്റെ അളവ് കൂടുന്നതിനും യൂറിക് ആസിഡ് വര്ധിക്കുന്നതിനും കാരണമാകും. മദ്യം അമിതമാകുമ്പോള് ഉണ്ടാകുന്ന നിര്ജലീകരണം യൂറിക് ആസിഡിന്റെ അളവ് കൂട്ടും
മസൂര്, ചന പോലുള്ള പരിപ്പ് വര്ഗങ്ങളില് ധാരാളം പോഷകങ്ങള് അടങ്ങിയിട്ടുണ്ടെങ്കിലും അവ അധികമാകുന്നത് യൂറിക് ആസിഡ് വര്ധിപ്പിക്കും. റെഡ് മീറ്റില് അടങ്ങിയിട്ടുള്ള പ്യൂരിന്, രക്തത്തില് യൂറിക് ആസിഡ് വര്ധിപ്പിക്കും. കടല് മത്സ്യങ്ങളില് ധാരാളമടങ്ങിയിട്ടുള്ള പ്യൂരിന്, യൂറിക് ആസിഡ് വര്ധിപ്പിക്കുകയും ആരോഗ്യപ്രശ്നങ്ങള് ഉണ്ടാക്കുകയും ചെയ്യും.