ടോവിനോ തോമസ് കേന്ദ്ര കഥാപാത്രമായെത്തിയ ഏറ്റവും പുതിയ ചിത്രം അദൃശ്യ ജാലകങ്ങൾ ഒടിടി റിലീസിനൊരുങ്ങുന്നു. ഡോ. ബിജു സംവിധാനം ചെയ്ത ചിത്രത്തിന്റെ ഡിജിറ്റൽ അവകാശം നെറ്റ്ഫ്ലിക്ലിനാണ്. ചിത്രം ഡിസംബർ എട്ട് മുതൽ നെറ്റ്ഫ്ലിക്സിൽ സംപ്രേഷണം ചെയ്യുമെന്നാണ് റിപ്പോർട്ടുകൾ സൂചിപ്പിക്കുന്നത്.
അതേസമയം ഇത് സംബിന്ധിച്ചുള്ള ഔദ്യോഗികമായ അറിയിപ്പ് ഒടിടി പ്ലാറ്റ്ഫോമോ അണിയറ പ്രവർത്തകരോ അറിയിച്ചിട്ടില്ല.
ടൊവിനോയുടെ വ്യത്യസ്ത ലുക്കിൽ എത്തുന്ന റിലീസിന് മുമ്പെ ശ്രദ്ധേയമായിരുന്നു. ചിത്രം രാജ്യാന്തര ചലച്ചിത്ര മേളകളിൽ പ്രദർശനം നടത്തിയിരുന്നു. ഈ കഴിഞ്ഞ നവംബർ 24ന് ചിത്രം തിയറ്ററുകളിൽ റിലീസായത്.
ഓഫ് ബീറ്റ് ചിത്രമായതിനാൽ അദൃശ്യ ജാലകങ്ങൾ എന്ന സിനിമയ്‌ക്ക് ബോക്സ്ഓഫീസിൽ കൂടുതൽ ചലനം സൃഷ്ടിക്കാനായില്ല. ഡോ ബിജു ഒരുക്കിയ ചിത്രത്തിൽ നിരവധി താരങ്ങളാണ് അണിനിരക്കുന്നത്. നിമിഷ സജയൻ ആണ് ചിത്രത്തിൽ നായികയായെത്തുന്നത്. ചിത്രത്തിൽ ഇന്ദ്രൻസും ഒരു പ്രധാന കഥാപാത്രത്തെ അവതരിപ്പിക്കുന്നു.
