പൊലീസിന്റെ നവീകരിച്ച സിറ്റിസണ് സര്വ്വീസ് പോര്ട്ടല്, സിറ്റിസണ് സര്വ്വീസ് ഉള്പ്പെടുത്തിയ മൊബൈല് ആപ്ലിക്കേഷന് എന്നിവയുടെ ഉദ്ഘാടനം മുഖ്യമന്ത്രി പിണറായി വിജയന് നിര്വ്വഹിച്ചു. തുണ എന്ന നിലവിലെ സര്വ്വീസ് പോര്ട്ടല് പൊതുജനങ്ങള്ക്ക് സുഗമമായി ഉപയോഗിക്കാന് കഴിയുന്ന തരത്തില് മാറ്റം വരുത്തിയാണ് പുതിയ പോര്ട്ടല് രൂപകല്പ്പന ചെയ്തിരിക്കുന്നത്.മുഖ്യമന്ത്രിയുടെ ഓഫീസ് ചേംബറില് നടന്ന ചടങ്ങില് സംസ്ഥാന പൊലീസ് മേധാവി അനില്കാന്ത്, പൊലീസ് ആസ്ഥാനത്തെ എ.ഡി.ജി.പി മനോജ് എബ്രഹാം, സിറ്റി പോലീസ് കമ്മീഷണര് ബല്റാം കുമാര് ഉപാധ്യായ, ഡി.ഐ.ജി പി.പ്രകാശ് എന്നിവരും മറ്റ് മുതിര്ന്ന ഉദ്യോഗസ്ഥരും പങ്കെടുത്തു.പൊലീസ് സ്റ്റേഷനുകളില് പരാതി നല്കല്, എഫ്.ഐ.ആര് പകര്പ്പ് ലഭ്യമാക്കല്, അപകടകേസുകളില് ഇന്ഷുറന്സ് ക്ലെയിമിന് സമര്പ്പിക്കേണ്ട രേഖകള്, പൊലീസ് ക്ലിയറന്സ് സര്ട്ടിഫിക്കറ്റ്, ഉച്ചഭാഷിണി ഉപയോഗിക്കുന്നതിനുളള അനുമതി തുടങ്ങിയ സേവനങ്ങള്ക്കായി പുതിയ പോര്ട്ടല് വഴി അപേക്ഷിക്കാം.
പോലീസ് ക്ലിയറന്സ് സര്ട്ടിഫിക്കറ്റ്, ഉച്ചഭാഷിണി ഉപയോഗിക്കുന്നതിനുളള അനുമതി തുടങ്ങിയ സേവനങ്ങള്ക്കുളള പണം അടയ്ക്കാന് ഓണ്ലൈന് പെയ്മെന്റ് രീതികളും പുതിയ പോര്ട്ടലില് ലഭ്യമാക്കിയിട്ടുണ്ട്. ഈ സംവിധാനത്തിലൂടെ അപേക്ഷയോടൊപ്പം സമര്പ്പിക്കേണ്ട രേഖകള് ഓണ്ലൈനായി അപ്ലോഡ് ചെയ്യാനും കഴിയും.
You must be logged in to post a comment Login