തോന്നയ്‌ക്കൽ സായിഗ്രാമം നന്മയുടെ വെളിച്ചമാണെന്ന് മന്ത്രി ആർ. ബിന്ദു പറഞ്ഞു.നാഷണൽ സർവീസ് സ്കീം ‘സദ്ഭാവന’ സ്റ്റേറ്റ് ലെവൽ ലീഡർഷിപ്പ് ക്യാമ്പിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു മന്ത്രി.കേരള സർവകലാശാല വൈസ് ചാൻസലർ പ്രൊഫ.വി.പി. മഹാദേവൻപിള്ള അദ്ധ്യക്ഷനായി.
വിവിധ യൂണിവേഴ്സിറ്റികളിൽ നിന്ന് തിരഞ്ഞെടുത്ത 250 എൻഎസ്എസ് പ്രതിനിധികൾ ത്രിദിന നേതൃത്വ ക്യാമ്പിൽ പങ്കെടുത്തു. സത്യസായി ഓർഫനേജ് ട്രസ്റ്റ് സ്ഥാപകനും എക്സിക്യൂട്ടീവ് ഡയറക്ടറുമായ കെ. എൻ അനന്തകുമാറിനെ മന്ത്രി പൊന്നാട അണിയിക്കുകയും, എൻഎസ്എസ് ഉപഹാരം നൽകി ആദരിച്ചു.
അടുത്ത വർഷം എൻ.എസ്.എസിലെ ഏറ്റവും മികച്ച വോളന്റിയർക്ക് സായിഗ്രാമം മൊമന്റോയും 5001രൂപ ക്യാഷ് അവാർഡും മികച്ച സാമൂഹ്യപ്രവർത്തനം നടത്തുന്ന കോളേജിന് മെമന്റോയും 10,001 രൂപ ക്യാഷ് അവാർഡും നൽകുമെന്ന് ആമുഖപ്രഭാഷണം നടത്തിയ സത്യസായി ഓർഫനേജ് ട്രസ്റ്റ് എക്‌സിക്യുട്ടീവ് ഡയറക്ടർ കെ.എൻ. ആനന്ദകുമാർ അറിയിച്ചു.
You must be logged in to post a comment Login