നായകനെക്കാൾ വില്ലന് പ്രാധാന്യമുള്ള ചുരുക്കം ചില ചിത്രങ്ങളിൽ ഒന്നാണ് സാർപട്ടാ പരമ്പരൈ. പാ രഞ്ജിത് എന്ന സംവിധായകന്റെ വേറിട്ട സംവിധാന മികവ് പ്രേക്ഷകരെ മറ്റൊരു തലത്തിൽ ചിത്രം ആസ്വദിപ്പിക്കാൻ സഹായിച്ചു. സാധാരണ സൗത്തിന്ത്യൻ സിനിമകളിൽ നായകനുള്ള പ്രാധാന്യം വളരെ വലുതാണ്, എന്നാൽ കുറച്ചു കാലങ്ങളായുള്ള സൗത്തിന്ത്യൻ സിനിമകളിലെ വേറിട്ട തിരക്കഥകൾ, കഥപറയുന്ന രീതി, സ്വാഭാവിക അഭിനയം അങ്ങനെ ഒട്ടനവധി ഘടകങ്ങൾകൊണ്ട് സിനിമ നല്ലൊരു മാറ്റത്തിന് വിധയമായിക്കൊണ്ടിരിക്കുകയാണ്, ഇതിന്റെ മറ്റൊരു ഉദാഹരണമാണ് സാർപട്ടാ പരമ്പരൈ.
തമിഴ് ആരാധകർക്ക് ചേർത്തുനിർത്താൻ കഴിയുന്നതും, എന്നാൽ മറ്റു സിനിമാപ്രേമികൾക്ക് ഒരിക്കലും മാറ്റിനിർത്താൻ കഴിയാത്തതുമായ രീതിൽ ചിത്രം അവതരിപ്പിക്കാൻ സംവിധായകൻ പാ രഞ്ജിത്തിന് കഴുഞ്ഞു.
ഡാൻസിങ് റോസ്
ചിത്രത്തിലെ പ്രധാന വില്ലൻകഥാപാത്രത്തെപോലും മാറ്റിനിർത്തിയ
ഓരേഒരു സഹനടൻ.
അസാമാന്യ മെയ്‍വഴക്കമാണ് ഡാൻസിങ് റോസിനെ അവിസ്മരണീയമാക്കിയത്,
ഷബീർ കല്ലറയ്ക്കൽ എന്ന ചെന്നൈ മലയാളിയാണ് ഡാൻസിങ് റോസിനെ അവതരിപ്പിച്ചത്.
ഒരുപക്ഷെ സിനിമയുടെ ഗതിതന്നെ മാറ്റിമറിച്ച കഥാപാത്രങ്ങളിൽ ഒന്നാണ് എന്നുപറയാം. ആദ്യപകുതിക്ക്‌ ശേഷം സിനിമയെ മാറ്റിയെഴുതാൻ ഡാൻസിങ് റോസിന് സാധിച്ചത് ഷബീറിന്റെ അഭിനയ മികവികൊണ്ട് മാത്രമല്ല, നല്ലൊരു തിരക്കഥയും, പാ രഞ്ജിത്തിന്റെ
സംവിധാന മികവും, മനോഹരമായ എഡിറ്റിംഗും കൊണ്ടുകൂടി തന്നെയാണെന്ന് തീർച്ചയായും പറയാം.
കഥാപാത്രങ്ങളുടെ ഒഴുക്കിൽ “രംഗൻ വാദ്യാരും”, “കബിലനും”, “വെമ്പുലിയും”, “ഡാൻസിങ് റോസും” കളം നിറഞ്ഞാടിയപ്പോൾ പശുപതി, ആര്യ, ജോൺ കൊക്കൻ, ഷബീർ എന്നീ നടന്മാരെ പ്രേക്ഷകർ മനപ്പൂർവ്വം മറക്കുകയായിരുന്നു, അതിനോടൊപ്പം ജോൺ വിജയ് അവതരിപ്പിച്ച “കെവിൻ (ഡാഡി)” എന്ന കഥാപാത്രവും സിനിമയുടെ ഒഴുക്കിന് വളരെയേറെ സഹായകമാകുന്നു.
You must be logged in to post a comment Login