കാണ്പൂര് ക്രിക്കറ്റ് ടെസ്റ്റില് ഇന്ത്യക്കെതിരെ ന്യൂസിലന്ഡിന് വീരോചിത സമനില.ഒമ്പത് വിക്കറ്റ് നഷ്ടമായശേഷം അവസാന ബാറ്റര് അജാസ് പട്ടേലിനൊപ്പം ഒമ്പതോവര് ഇന്ത്യന് സ്പിന് ആക്രമണത്തിനെതിരെ പ്രതിരോധിച്ചു നിന്ന രചിന് രവീന്ദ്രയാണ് കിവീസിന് സമനിലയിൽ എത്തിച്ചത് .284 റണ്സ് വിജയലക്ഷ്യം പിന്തുടര്ന്ന കീവീസ് ഒമ്പത് വിക്കറ്റ് നഷ്ടത്തില് 165 റണ്സെടുത്ത് സമനില കളി അവസാനിച്ചു. സ്കോര് ഇന്ത്യ 345, 243-7, ന്യൂസിലന്ഡ് 296, 165-9.
ടിം സൗത്തിയെ രവീന്ദ്ര ജഡേജ പുറത്താക്കുമ്പോള് ഇന്ത്യ ജയം ഉറപ്പിച്ചിരുന്നു. എന്നാല് പിന്നീടുള്ള ഓരോ പന്തിലും വിക്കറ്റിനുള്ള സാധ്യതകള് അടച്ച രചിന് രവീന്ദ്ര 91 പന്തുകള് നേരിട്ട് 18 റണ്സുമായി പുറത്താകാതെ നിന്നപ്പോള് 23 പന്തുകള് പ്രതിരോധിച്ച അജാസ് പട്ടേല് മികച്ച പിന്തുണയുമായി ക്രീസില് നിന്നു
You must be logged in to post a comment Login