മലയാളി വീട്ടമ്മമാർ നെഞ്ചിലേറ്റിയ ഏഷ്യാനെറ്റ് മിനിസ്ക്രീൻ പരമ്പര പരസ്പരത്തിലൂടെ മലയാളികൾക്ക് പരിചിതയായ അഭിനയത്രിയായിരുന്നു ഗായത്രി. പരമ്പരയ്ക്കുശേഷം വൺ എന്ന മമ്മൂട്ടി ചിത്രത്തിലും ശ്രദ്ധേയമായ വേഷം കൈകാര്യം ചെയ്തു.
ഗായത്രിയുടെ ആദ്യത്തെ കഥാസമാഹാരം അച്ഛപ്പം കഥകൾ പ്രകാശനം ചെയ്തത് ഈ ഇടയ്ക്കായിരുന്നു. ഓൺലൈനായി മോഹൻലാലാണ് പുസ്തകപ്രകാശനം ചെയ്തത്. പുസ്തകം ഇരുകയ്യും നീട്ടി സ്വീകരിച്ച ആരാധകരുടെ ചോദ്യം, ഇനി എഴുത്തിലേക്ക് തിരിയുകയാണോ എന്നായിരുന്നു. എന്നാൽ എഴുത്തും അഭിനയവും ഒരുപോലെ മുന്നോട്ട് കൊണ്ടുപോകുകയാണ് ഗായത്രി.
ഗായത്രിയുടെ പുതിയ ചെറുകഥ ഉണ്ണിഭൂതം തീർത്തും കുട്ടികൾക്കായി ഗായത്രി എഴുതിയതാണ്. മുത്തശ്ശിക്കഥ കേട്ടുറങ്ങിയ ഒരു ബാല്യം നമുക്ക് പലർക്കുമുണ്ടെന്നും, തന്റെ കുട്ടിക്കാലത്ത് ഏറെ കൊതിച്ച കഥയാണ് പറയുന്നതെന്നാണ് ഇൻസ്റ്റഗ്രാമിൽ ഗായത്രി കുറിച്ചത്.
You must be logged in to post a comment Login