ഇലക്ട്രിക് ഇരുചക്ര വാഹന വിപണിയിൽ ഇതിനോടകം ജനശ്രദ്ധ ആകർഷിച്ച ടിഎക്‌സ്9 കേരളത്തിലുടനീളം ബാറ്ററി സ്വാപ്പിങ് സ്റ്റേഷനുകൾ സ്ഥാപിക്കാനൊരുങ്ങുന്നു. പങ്കാളിത്ത സമീപനത്തോടെ ആരംഭിക്കുന്ന സ്വാപ്പിങ് സ്റ്റേഷനുകൾ നൂറിലധികം വാഹനങ്ങൾ വിൽക്കുന്ന പ്രദേശങ്ങൾ കേന്ദ്രീകരിച്ചാകും തുറക്കുകയെന്ന് കമ്പനി അധികൃതർ വ്യക്തമാക്കി .
ഉപഭോക്താക്കളുടെ സൗകര്യം മുൻ നിർത്തി, വാഹനത്തിനൊപ്പം നൽകുന്ന സ്വാപ്പബിൾ ബാറ്ററിയുടെ ചാർജ് യാത്രയ്ക്കിടയിൽ തീർന്നു പോയാലും ടെക്‌നോളജിയുടെ സഹായത്തോടെ സമീപമുള്ള ബാറ്ററി സ്വാപ്പിങ് സ്റ്റേഷൻ ഉപഭോക്താക്കൾക്ക് കണ്ടുപിടിക്കാവുന്ന തരത്തിലാണ് സ്വാപ്പിങ് സ്റ്റേഷനുകൾ സ്ഥാപിക്കാനൊരുങ്ങുന്നത്. ഇതിലൂടെ അടുത്ത ഒരു വർഷത്തിനുള്ളിൽ കേരളത്തിൽ 300 സ്വാപ്പിങ് സ്റ്റേഷനുകൾ സ്ഥാപിക്കാനാണ് കമ്പനി ലക്ഷ്യമിടുന്നത്. ഈ സ്റ്റേഷനുകളുടെ ഫ്രാഞ്ചൈസി സ്വന്തമാക്കാനും വളരെ എളുപ്പമാണ്.
You must be logged in to post a comment Login