വിളവൂർക്കൽ: കരിങ്കല്ലു കയറ്റിവന്ന ലോറി റോഡരികിൽ മറിഞ്ഞു. അപകടത്തിൽ ലോറി ഡ്രൈവർ അത്ഭുതകരമായി രക്ഷപ്പെട്ടു. ചൊവ്വാഴ്ച രാവിലെ 11-മണിയോടെ മങ്കാട്ടുകടവ് പഞ്ചായത്തു കിണറിനു സമീപമാണ് അപകടം. മങ്കാട്ടുകടവിലെ പണിസ്ഥലത്തേക്കു ലോഡുമായി വന്നതാണ് ലോറി. ഇടറോഡു തിരിയുന്നതിനിടയിൽ മഴയിൽ കുതിർന്ന മതിലിനു സമീപത്തേക്കു കയറിയപ്പോൾ മതിലിടിഞ്ഞ് മറിയുകയായിരുന്നു. ഡ്രൈവർ കാബിനിൽ നിന്നു ചാടി രക്ഷപ്പെട്ടു. മങ്കാട്ടുകടവ് സ്വദേശി ശോഭയുടെ വീട്ടിലേയ്ക്കാണ് ലോറി മറിഞ്ഞത്. വീടിന് നാശനഷ്ടമുണ്ടായി. ജെ.സി.ബി. ഉപയോഗിച്ച് ലോറി ഉയർത്തി മാറ്റി.
You must be logged in to post a comment Login