മലയാളി സൈനികന്റെ മൃതദേഹം വഹിച്ച് വിമാനം പുറപ്പെട്ടു

ധീരസൈനികൻ പ്രദീപിൻറെ മൃതദേഹം വഹിച്ചുള്ള വിമാനം പുറപ്പെട്ടു, സംസ്കാരം ഇന്ന് വൈകീട്ട്

ഹെലികോപ്ടർ അപകടത്തിൽ കൊല്ലപ്പെട്ട മലയാളി സൈനികൻറെ മൃതദേഹം വഹിച്ചുള്ള വിമാനം പുറപ്പെട്ടു. 12.30 മണിക്ക് മന്ത്രിമാരായ കെ രാജൻ, കൃഷ്ണൻകുട്ടി എന്നിവർ വാളയാറിൽ നിന്നും മൃതദേഹം ഏറ്റുവാങ്ങും.

തുടർന്ന് പുത്തൂരിലെ സ്കൂളിൽ ഒരു മണിക്കൂർ പൊതുദർശനത്തിന് വച്ചശേഷം സംസ്കാരത്തിന് 2 മണിക്കൂർ മുൻപ് 70 അംഗ സൈനികർ പ്രദീപിൻ്റെ വീട്ടിലെത്തും. വൈകീട്ട് വീട്ടുവളപ്പിലാണ് സംസ്കാരം നടക്കുക.

തൃശൂർ പുത്തൂർ സ്വദേശിയായ പ്രദീപ് അറക്കൽ 2004ലാണ് സൈന്യത്തിൽ ചേർന്നത്. ഹെലികോപ്ടറിന്റെ ഫ്‌ളൈറ്റ് ഗണ്ണർ ആയിരുന്നു പ്രദീപ്. രാജ്യത്തിന്റെ മിക്കയിടത്തും ജോലി ചെയ്തിട്ടുണ്ട്. ഛത്തീസ്ഗഢിലെ മാവോയിസ്റ്റുകൾക്കെതിരെയുള്ള ഓപ്പറേഷനിലും പങ്കെടുത്തു.