ഇന്ത്യയുടെ എക്കാലത്തെയും മികച്ച ബാറ്റര്മാരിലൊരാളാണ് വിരാട് കോലി. സാക്ഷാല് സച്ചിന് തെണ്ടുല്ക്കറുമായി ക്രിക്കറ്റ് ആരാധകര് താരതമ്യം ചെയ്യുന്ന കോലി ഇന്ത്യയുടെ റണ് മെഷീനാണ്. സെഞ്ചുറിയും അര്ധസെഞ്ചുറിയുമായി കളം നിറയുന്ന കോലിയുടെ ചിറകില് ഇന്ത്യ നിരവധി മത്സരങ്ങളില് വിജയക്കൊടി പാറിച്ചു.
സെഞ്ചുറികളുടെ എണ്ണത്തില് സച്ചിനെ മറികടന്ന് കോലി ലോകറെക്കോഡ് നേടുമെന്ന് ആരാധകര് ഉറപ്പിച്ചിരുന്നെങ്കിലും ഇന്ത്യന് ടെസ്റ്റ് നായകന് കഴിഞ്ഞ രണ്ട് വര്ഷമായി ഒരു സെഞ്ചുറി പോലും നേടാനായിട്ടില്ല.
കോലിയുടെ അവസാന സെഞ്ചുറി പിറന്നത് 2019-ല് ബംഗ്ലാദേശിനെതിരായ ടെസ്റ്റ് മത്സരത്തിലൂടെയാണ്. പിന്നീട് നിരവധി മത്സരങ്ങള് കളിച്ചെങ്കിലും സെഞ്ചുറി മാത്രം അകന്നുനിന്നു.
You must be logged in to post a comment Login