കണ്ണൂർ: ഇരുപത്തിമൂന്നാമത് സി പി ഐ എം പാർട്ടി കോൺഗ്രസിന് കണ്ണൂരിൽ തുടക്കം. മുഖ്യമന്ത്രി പിണറായി വിജയൻ പതാക ഉയർത്തിക്കൊണ്ട് സമ്മേളനത്തിന് തുടക്കം കുറിച്ചു. സി പി എം സംസ്ഥാന സെക്രട്ടറി കോടിയേരി ബാലകൃഷ്ണൻ അടക്കം പ്രമുഖ നേതാക്കളും ചടങ്ങിൽ പംകെടുത്തു. ചെമ്പതാക അധ്വാനിക്കുന്ന വർഗത്തിന്റെ മോചന പതാകയാണെന്ന് മുഖ്യമന്ത്രി പിണറായി വിജയൻ വേദിയിൽ പറഞ്ഞു.
ഇടത് സർക്കാരിനെതിരെ എല്ലാ വലത് ശക്തികളും ഒരുമിച്ച് നിൽക്കുകയാനിന്നും ഇത് സി പി ഐ എമ്മിനോടുള്ള വിരോധമാനിന്നും ഇവർ നാട്ടിൽ വികസനം വേണ്ടെന്ന് വാദിക്കുന്നു. യുഡിഎഫ് എംപിമാർ കേരളത്തിനായി ശബ്ദം ഉയർത്തുന്നില്ലെന്നും പ്രസംഗത്തിൽ മുഖ്യമന്ത്രി ആരോപിച്ചു. ജനവികാരത്തിനായി നിൽക്കുന്നവർ ശോഷിച്ചു ഇല്ലാതാകുന്നതാണ് കാണാൻ കഴിയുന്നത്. ബിജെപിയുടെ പ്രത്യേയശാസ്ത്ര ശത്രു എ പി ഐ എം ആണെന്നും മുഖ്യമന്ത്രി കൂട്ടിച്ചേർത്തു.
പാർട്ടി കോൺഗ്രസിന്റെ ഭാഗമായി നാളെ രാവിലെ നടക്കുന്ന പ്രതിനിധി സമ്മേളനം ജനറൽ സെക്രട്ടറി സീതാറാം യെച്ചൂരി ഉൽഘാടനം ചെയ്യും. സിപിഐ ജനറൽ സെക്രട്ടറി ഡി രാജ അഭിവാദ്യം ചെയ്യും. നായനാർ അക്കാദമിയിൽ പ്രത്യേകം ഒരുക്കിയ വേദിയിലാകും പ്രതിനിധി സമ്മേളനം.
You must be logged in to post a comment Login