തിരുവനന്തപുരം: സംസ്ഥാനത്തെ അവശ്യ വസ്തുക്കളുടെ വിലക്കയറ്റം നിയന്ത്രിക്കുന്നതുമായി ബന്ധപ്പെട്ട് ജില്ലാ കലക്ടറുടെ അധ്യക്ഷതയില് ജില്ലയിലെ വ്യാപാര പ്രതിനിധികളുടെയും ഉദ്യോഗസ്ഥരുടെയും സംയുക്ത യോഗം ചേര്ന്നു. ഭക്ഷ്യ പൊതുവിതരണ വകുപ്പ് മന്ത്രിയുടെ നിര്ദ്ദേശപ്രകാരം വിളിച്ച യോഗത്തിൽ വിലവര്ധന തടയുക എന്നതായിരുന്നു പ്രധാന ചർച്ച.
വിഷു- റംസാന് ഉത്സവ കാലമാണിതെന്നും അന്യായമായി വില വര്ധിപ്പിക്കാതിരിക്കാന് വ്യാപാരി സമൂഹം സഹകരിക്കണമെന്നും ഭക്ഷ്യവസ്തുക്കള് പൂഴ്ത്തിവെച്ച് കൃത്രിമ വിലക്കയറ്റമുണ്ടാക്കരുതെന്നും എല്ലാ വ്യാപാര സ്ഥാപനങ്ങളിലും നിര്ബന്ധമായും വിലവിവരപ്പട്ടിക പ്രദര്ശിപ്പിക്കണമെന്നും കൃത്രിമ വിലക്കയറ്റം സൃഷ്ടിക്കുന്നവര്ക്കേതിരെ കര്ശന നടപടികള് സ്വീകരിക്കുമെന്നും കലക്ടര് വ്യക്തമാക്കി.
You must be logged in to post a comment Login