കൊച്ചി: നടിയെ ആക്രമിച്ച കേസുമായി ബന്ധപ്പെട്ട് ദിലീപിന്റെ ഫോണില് നിന്ന് വിവരങ്ങള് മായ്ച്ച കേസില് ഹാക്കര് സായ് ശങ്കർ ക്രൈം ബ്രാഞ്ച് എസ് പിക്കെതിരെ ഹൈക്കോടതിയിൽ. പ്രതികാര നടപടികൾ സ്വീകരിക്കുന്നുവെന്ന് ആരോപിച്ചാണ് എസ് പി മോഹനചന്ദ്രനെതിരെ സായ് ശങ്കറിന്റെ ആരോപണം.
കോഴിക്കോട് സാമ്പത്തിക തട്ടിപ്പ് നടത്തിയ കേസിലെ മുൻകൂർ ജാമ്യാപേക്ഷയിലാണ് സായ് ഇക്കാര്യങ്ങൾ അറിയിച്ചത്. തനിക്കെതിരെ തുടരെ കേസുകളെടുക്കുന്ന സാഹചര്യമാണ് നിലവിൽ ഉള്ളതെന്നും ചോദ്യം ചെയ്യലിന് ഹാജരായില്ലെങ്കിൽ കേസുകൾ വന്നു കൊണ്ടിരിക്കുമെന്ന് എസ് പി മോഹനചന്ദ്രൻ പറഞ്ഞതായും സായ് കോടതിയെ അറിയിച്ചു.
അതേസമയം, എസ് പിയുടെയും സായിയുടെ സുഹൃത്തിന്റെയും ഫോൺ സംഭാഷണം പുറത്തുവന്നു. എന്താണ് പോലീസ് പീഡനമെന്ന് കാണിച്ചല്ലെ പറ്റൂ എന്നും ഹാജരാകാതിരുന്നാൽ കൂടുതൽ കേസുകൾ കണ്ടെത്താനാകുമെന്നുമുള്ള ശബ്ദരേഖയാണ് പുറത്തുവന്നത്. ഇത് പെൻഡ്രൈവും സായ് ശങ്കർ ഹൈക്കോടതിയിൽ ഹാജരാക്കി.
You must be logged in to post a comment Login