തിരുവനന്തപുരം: പി എസ്‌ സി ചോദ്യപ്പേപ്പറിൽ ഇംഗ്ളീഷിൽ ചോദ്യങ്ങൾ നൽകുന്ന കാര്യം പരിഗണനയിൽ എന്ന് പി എസ്‌ സി മനുഷ്യാവകാശ കമ്മീഷനെ അറിയിച്ചു. ചോദ്യപ്പേപ്പർ തമിഴിലേക്ക് തർജമ ചെയ്യുമ്പോൾ ഉണ്ടാകുന്ന പിഴവുകൾ പരിഹരിക്കുന്നതിന്റെ ഭാഗമായാണ് ഇംഗ്ലീഷ് കൂടി പരിഗണിക്കാൻ ആലോചന.
ചോദ്യപേപ്പറിൽ തമിഴ് ഭാഷയിലുള്ള അക്ഷരപിശകുകളും, തർജമ പിശകുകളും ഇത് ജോലിക്കുള്ള അവസരം നഷ്‌ടമാക്കുന്നുണ്ടെന്നും ചൂണ്ടിക്കാട്ടി വണ്ടിപ്പെരിയാർ സ്വദേശികളായ ഉദ്യോഗാർഥികൾ പരാതിപ്പെട്ടിരുന്നു. തുടർന്ന് ആവശ്യമായ നടപടികൾ സ്വീകരിക്കാൻ മനുഷ്യാവകാശ കമ്മീഷൻ പി എസ്‌ സി സെക്രട്ടറിക്ക് നിർദ്ദേശം നൽകുകയായിരുന്നു. മലയാളം, തമിഴ്, കന്നട ഭാഷകളിൽ നടത്തുന്ന പരീക്ഷകൾക്കാണ് ഇംഗ്ളീഷ് ചോദ്യങ്ങൾ കൂടി നൽകാനാണ് പരിഗണിക്കുന്നത്.
You must be logged in to post a comment Login