ഡൽഹി: രാജ്യത്ത് കോവിഡ് നാലാംതരംഗ ഭീഷണി പശ്ചാത്തലത്തിൽ സംസ്ഥാന മുഖ്യമന്ത്രിമാരുടെ യോഗം വിളിച്ച് പ്രധാനമന്ത്രി നരേന്ദ്രമോദി. രാജ്യത്തെ കോവിഡ് സാഹചര്യം, ആരോഗ്യ സംവിധാനത്തിലെ മുന്നൊരുക്കങ്ങൾ, വാക്സിൻ വിതരണത്തിന്റെ തൽസ്ഥിതി എന്നിവ വിലയിരുത്തുന്നതിനായി നാളെ ഉച്ചക്ക് 12 മണിക്ക് വീഡിയോ കോൺഫറൻസ് മുഖാന്തരമാണ് യോഗം വിളിച്ചിരിക്കുന്നത്.
രാജ്യത്ത് കോവിഡ് കേസുകളിൽ വർധന റിപ്പോർട് ചെയ്യപ്പെടുന്ന സാഹചര്യത്തിൽ ഡൽഹി, പഞ്ചാബ്, ഹരിയാന, ഉത്തർപ്രദേശ്, കർണാടക തുടങ്ങിയ ഇടങ്ങളിൽ മാസ്ക് ധരിക്കൽ വീണ്ടും നിർബന്ധമാക്കുകയും ഒപ്പം പൊതുസ്ഥലങ്ങളിൽ സാമൂഹിക അകലം പാലിക്കാനും നിർദ്ദേശം നൽകുകയും ചെയ്തു.
You must be logged in to post a comment Login