കോഴിക്കോട്: സംസ്ഥാനത്ത് വീണ്ടും ഷിഗെല്ല സ്ഥിരീകരിച്ചു. രോഗം റിപ്പോർട് ചെയ്‌ത കോഴിക്കോട് എരഞ്ഞിക്കൽ പ്രദേശത്ത് പ്രതിരോധ പ്രവർത്തനങ്ങൾ ഊർജിതമാക്കി ആരോഗ്യവകുപ്പ്. നിലവിൽ രണ്ട് പേർക്ക് രോഗ ലക്ഷണങ്ങൾ ഉണ്ടെങ്കിലും ഒരാൾക്ക് മാത്രമാണ് രോഗം സ്ഥിരീകരിച്ചത്.
കഴിഞ്ഞ 24 ആം തിയ്യതിയാണ് ഏഴു വയസുള്ള പെൺകുട്ടിക്ക് എരഞ്ഞിക്കലിൽ രോഗം കണ്ടെത്തിയത്. ഈ കുട്ടിക്ക് നിലവിൽ കാര്യമായ ആരോഗ്യ പ്രശ്‌നങ്ങൾ ഇല്ലെന്ന് ആരോഗ്യപ്രവർത്തകർ വ്യക്തമാക്കി.
രോഗലക്ഷണങ്ങൾ കണ്ട രണ്ടുപേരും സമീപത്ത് സംഘടിപ്പിച്ച വിരുന്നിൽ പങ്കെടുത്തിരുന്നു. ഇവിടെ നിന്നാവാം രോഗം ബാധിച്ചതെന്നാണ് ആരോഗ്യവകുപ്പിന്റെ അനുമാനം.
രോഗം റിപ്പോർട് ചെയ്‌ത സാഹചര്യത്തിൽ സമീപ പ്രദേശത്തെ മുഴുവൻ വീടുകളിലെ കിണറുകളിലും സൂപ്പർ ക്ളോറിനേഷൻ നടത്തി. സ്‌ക്വാഡുകളായി ബോധവൽക്കരണവും തുടങ്ങി. രോഗം റിപ്പോർട് ചെയ്‌ത സാഹചര്യത്തിൽ ഭക്ഷണ-പാനീയങ്ങൾ ശുചിത്വം ഉറപ്പ് വരുത്തണമെന്ന് ആരോഗ്യവകുപ്പ് പ്രദേശ വാസികൾക്ക് മുന്നറിയിപ്പ് നൽകി.
You must be logged in to post a comment Login