വൈകി ഉറങ്ങുന്ന ശീലമുള്ളവരാണ് നിങ്ങളെങ്കിൽ ഇക്കാര്യങ്ങൾ തീർച്ചയായും ശ്രദ്ധിക്കണം .
യുവാക്കളിൽ ഓർമ്മ ക്കുറവ്, ഏകാഗ്രതക്കുറവ്, പ്രമേഹം, പൊണ്ണത്തടി, ചർമരോഗങ്ങൾ, കരൾരോഗങ്ങൾ എന്നിവ വലിയതോതിൽ വർധിച്ചുവരുന്നതായാണ് പഠനങ്ങൾ സൂചിപ്പിക്കുന്നത്.
കൃത്രിമ ഘടകങ്ങൾ അടങ്ങിയ ഭക്ഷണം, വിശ്രമമില്ലായ്മ, വ്യായാമമില്ലായ്മ, മാനസികസമ്മർദം, രാസവസ്തുക്കളുടെ ഉപയോഗം തുടങ്ങി നിരവധി കാരണങ്ങളാണ് ആധുനികകാലത്തെ ജീവിതശൈലീ രോഗങ്ങൾക്ക് കാരണമായി ചൂണ്ടിക്കാണിക്കാനുള്ളത്.
ഇതിൽ പ്രധാനപ്പെട്ട ഒന്നാണ് ഉറക്കക്കുറവ്. മുൻകാലങ്ങളിൽ സന്ധ്യ കഴിഞ്ഞാൽ വിളക്കൂതിക്കെടുത്തി ഉറങ്ങുകയും സൂര്യനുദിച്ചാൽ എഴുന്നേറ്റ് ശാരീരിക വ്യായാമമുള്ള ജോലികളിൽ ഏർപ്പെടുകയും ചെയ്തുവന്നിരുന്ന തലമുറ, വൈദ്യുതി ബൾബിെൻറ വെളിച്ചത്തിൽ ടെലിവിഷൻകണ്ടും മൊബൈലിൽ നോക്കിയും ഉറങ്ങാൻ വൈകിത്തുടങ്ങി.
രാത്രി കൃത്യമായി ഉറങ്ങിയില്ലെങ്കില് അത് രോഗകാരണമാവും. പ്രായപൂര്ത്തിയായ ഒരാള് ദിവസവും ചുരുങ്ങിയത് ഏഴ്-എട്ട് മണിക്കൂര് ഉറങ്ങണമെന്നാണ് ഇൗ അടുത്ത കാലത്ത് നടത്തിയ പഠനങ്ങൾ പറയുന്നത്.
കൗമാരപ്രയത്തിലെത്തിയവരും വിദ്യാർഥികളും കുറഞ്ഞത് 10 മണിക്കൂറെങ്കിലും ഉറങ്ങണം. പ്രായപൂർത്തി എത്തിക്കഴിഞ്ഞാൽ ദിവസം എട്ട് മണിക്കൂറാണ് ആരോഗ്യവിദഗ്ധർ ആവശ്യപ്പെടുന്ന ഉറക്കത്തിെൻറ സമയം.
ഹൃദയം, കരൾ, വൃക്കകൾ, ശ്വാസകോശം തുടങ്ങിയ ആന്തരികാവയവങ്ങളുടെ പ്രവർത്തനങ്ങൾ ഏകോപിക്കുന്നതിന് തലച്ചോറിന് തുടർച്ചയായി എട്ട് മണിക്കൂറെങ്കിലും ഇടവിടാതുള്ള വിശ്രമം ആവശ്യമാണ്.
കരൾ അതിൽ അടിഞ്ഞുകൂടിയിട്ടുള്ള വിഷാംശങ്ങൾ ശുദ്ധീകരിക്കുന്നത് രാത്രിയാണ്. ഉറക്കം തകരാറിലാവുേമ്പാൾ ഇവയുടെയെല്ലാം താളം തെറ്റുകയും തുടർച്ചയായ ഉറക്കപ്രശ്നങ്ങൾ ശരീരത്തെ രോഗങ്ങളിലേക്ക് നയിക്കുകയും ചെയ്യും.