മംഗളുരുവിലെ ഉഡുപ്പി ജില്ലയിലെ ഉമിക്കൽ മല തീം പാർക്കിൽ പരശുരാമ പ്രതിമ സ്ഥാപിച്ചതിലെ അഴിമതി ആരോപണത്തിൽ ടൂറിസം പ്രിൻസിപ്പൽ സെക്രട്ടറിയോട് റിപ്പോർട്ട് തേടി മുഖ്യമന്ത്രി സിദ്ധരാമയ്യ.
ഉമിക്കൽ മല തീം പാർക്കിൽ പരശുരാമന്റെ പ്രതിമ സ്ഥാപിച്ചതിൽ അഴിമതിയുണ്ടെന്ന് ആരോപിച്ച് ബ്ലോക്ക് കോൺഗ്രസ് കമ്മിറ്റി നൽകിയ പരാതി പരിഗണിച്ചാണ് നടപടി. കഴിഞ്ഞ ജനുവരി 27നാണ് പാർക്കിൽ പരശുരാമന്റെ വെങ്കലപ്രതിമ അനാച്ഛാദനം ചെയ്തത്.
എന്നാൽ നിർമ്മിതിയിലെ നിലവാരമില്ലായ്മ കൊണ്ട് അപകടാവസ്ഥയിലായ പ്രതിമ അധികൃതർ ഭാഗികമായി നീക്കം ചെയ്യുകയും ചെയ്തിരുന്നു. തെരഞ്ഞെടുപ്പ് നടക്കാനിരിക്കെ കഴിഞ്ഞ മെയ് മാസത്തിലാണ് കർണാടക ഊർജ്ജമന്ത്രിയായ കാർക്കള എംഎൽഎ വി സുനിൽകുമാർ പ്രതിമയുടെ ഉദ്ഘാടനം നിർവഹിച്ചത്.
പത്തുകോടി രൂപ ചെലവഴിച്ച് കർണാടക വിനോദസഞ്ചാര സാംസ്കാരിക വകുപ്പുകളുടെ സംയുക്ത സംരംഭമായി 15 ടൺ വെങ്കലം ഉപയോഗിച്ച് ഭൂ നിരപ്പിൽ നിന്ന് 50 അടി ഉയരത്തിൽ സ്ഥാപിച്ച പ്രതിമയ്‌ക്ക് 33 അടി ഉയരമുണ്ട്.
