പുതിയ അധ്യയന വർഷം തുടങ്ങാൻ ദിവസങ്ങൾ മാത്രം ബാക്കി നിൽക്കെ ക്രമീകരണങ്ങൾ വേഗത്തിലാക്കാൻ കർശന നിർദേശം. വിപുലമായ പരിപാടികളോടെ ജൂൺ ഒന്നിനു പ്രവേശനോത്സവം സംഘടിപ്പിക്കുന്നതാണ്. തിരുവനന്തപുരത്ത് നടക്കുന്ന പ്രവേശനോത്സവത്തിന്റെ സംസ്ഥാനതല ഉദ്ഘാടനം മുഖ്യമന്ത്രി നിർവഹിക്കും . വിദ്യാഭ്യാസ വകുപ്പ് തയ്യാറാക്കുന്ന പ്രവേശനോത്സവ ഗാനം സ്കൂളുകളിൽ നിർബന്ധമായും പ്ലേ ചെയ്യണം. അത് കേൾക്കാൻ സാങ്കേതിക പ്രശ്നങ്ങൾ ഇല്ലെന്ന് മുൻകൂട്ടി ഉറപ്പാക്കുകയും വേണം.
സ്കൂളും പരിസരവും ജൂൺ ഒന്നിനു മുമ്പ് അണുവിമുക്തമാക്കണം. കുട്ടികളുടെ സുരക്ഷയ്ക്കായി സ്കൂളിനു സമീപം കടപുഴകി വീഴാൻ സാധ്യതയുള്ള മരങ്ങൾ മുറിച്ചുമാറ്റണം. പ്രവേശനോത്സവത്തിന്റെ സന്ദേശം പ്രചരിപ്പിക്കുന്നതിനായി സമഗ്രശിക്ഷയും കേരളവും വെവ്വേറെ തയ്യാറാക്കിയ പോസ്റ്ററുകൾ അച്ചടിച്ച് ജില്ലാ ആസ്ഥാനത്ത് എത്തിച്ചിട്ടുണ്ട്. സ്കൂളുകളിൽ പോസ്റ്ററുകൾ പതിക്കുന്നതിൻ പുറമേ, പ്രധാന സർക്കാർ ഓഫീസുകൾ, പ്രധാന പട്ടണങ്ങൾ, നഗരങ്ങൾ, പഞ്ചായത്ത് കേന്ദ്രങ്ങൾ എന്നിവിടങ്ങളിൽ മുൻകൂട്ടി പോസ്റ്റർ പ്രചാരണങ്ങൾ നടത്താനും നിർദ്ദേശം നൽകിയിട്ടുണ്ട്. ആവശ്യമായ ഘട്ടത്തിൽ പിടിഎ, എസ്എംഡിസി, എസ്എംസി. പ്രവേശനോത്സവത്തിൻറെ നടത്തിപ്പുമായി ബന്ധപ്പെട്ട എല്ലാ ഘട്ടങ്ങളിലും ഗ്രീൻ പ്രോട്ടോക്കോൾ കർശനമായി പാലിക്കുകയും പരിസ്ഥിതി സൗഹൃദ പരിപാടി എന്ന ആശയത്തിൻ പ്രാധാൻയം നൽകുകയും വേണം. പ്രവേശ്നോത്സവത്തിൻറെ ഉദ്ഘാടന വേളയിൽ സ്കൂളിൻറെ മികവ് പ്രദർശിപ്പിക്കാൻ നിർദ്ദേശം നൽകണം
You must be logged in to post a comment Login