ജൂലൈ 24ന് പുലർച്ചെയുണ്ടായ അപകത്തിൽ കൂട്ടുകാരിയുടെ മരണത്തെ തുടർന്നുള്ള മനോവിഷമത്തിലാണ് നടി യാഷിക ആനന്ദ് സമൂഹ മാധ്യമത്തിൽ വൈകാരികമായ ഒരു കുറിപ്പ് ഇടുന്നത്. അന്നത്തെ കാർ അപകടത്തിൽപ്പെട്ട് നടിയുടെ അടുത്ത സുഹൃത്ത് മരണപ്പെട്ടിരുന്നു. അപകടത്തിൽ ഗുരുതരമായ പരുക്കേറ്റ യാഷിക ദിവസങ്ങളോളം ചികിത്സയിലുമായിരുന്നു. ശേഷമിതാ തന്റെ സുഹൃത്തിന്റെ മരണത്തിൽ തന്നെ പഴിചാരി, കുറിപ്പുമായി യാഷിക.
യാഷികയുടെ കുറിപ്പ് ഇങ്ങനെ
ഞാൻ ഇപ്പോൾ കടന്നുപോകുന്ന അവസ്ഥയെക്കുറിച്ച് എങ്ങനെ പറയണമെന്ന് അറിയില്ല. ജീവിച്ചിരിക്കുന്നതിൽ ഞാൻ പശ്ചാത്തപിക്കുന്നു. ദാരുണമായ അപകടത്തിൽ നിന്നും എന്നെ രക്ഷപ്പെടുത്തിയ ദൈവത്തിന് നന്ദി പറയണോ അതോ പ്രിയപ്പെട്ട കൂട്ടുകാരിയെ എന്നിൽ നിന്നും വേർപെടുത്തിയതിന് ദൈവത്തെ പഴിക്കണോ, എനിക്കറിയില്ല.
എല്ലാ നിമിഷവും എന്റെ പവനിയെ ഞാൻ ഓർക്കുന്നു. എനിക്കറിയാം ജീവിതത്തിൽ ഒരിക്കലും നീ എന്നോട് ക്ഷമിക്കില്ല. എന്നോട് ക്ഷമിക്കണം. നിന്റെ കുടുംബത്തെ ഇത്രയും ഭീകരമായ അവസ്ഥയിൽ കൊണ്ടെത്തിച്ചത് ഞാനാണ്. ജീവിച്ചിരിക്കുന്നതിൽ ഓരോ നിമിഷവും ഞാൻ ഉരുകുകയാണ്.
നിന്റെ ആത്മാവ് സമാധാനത്തിലാണെന്ന് ഞാൻ വിശ്വസിക്കുന്നു. നീ എന്നിലേയ്ക്ക് തിരിച്ചുവരാൻ പ്രാർഥിക്കുന്നു. ഒരിക്കൽ നിന്റെ കുടുംബം എന്നോട് ക്ഷമിക്കുമായിരിക്കും.
ഇന്ന് ഞാനെന്റെ പിറന്നാൾ ആഘോഷിക്കുന്നില്ല. എന്റെ ആരാധകരോടും ഞാൻ അപേക്ഷിക്കുന്നു. അവളുടെ കുടുംബത്തിന് വേണ്ടി പ്രാർഥിക്കുക. ദൈവം അവർക്ക് ശക്തി നൽകട്ടെ.
You must be logged in to post a comment Login