ധ്യാൻ ശ്രീനിവാസൻ നായകനാകുന്ന ‘ജോയ് ഫുൾ എൻജോയ്’ എന്ന ചിത്രത്തിന്റെ ഫസ്റ്റ്ലുക്ക് പങ്കുവച്ചുകൊണ്ടുള്ള പോസ്റ്റിനു താഴെ ഗോകുൽ സുരേഷുമൊന്നിച്ചുള്ള നിങ്ങളുടെ സിനിമയ്ക്കെന്തുപറ്റി? എന്ന ചോദ്യത്തിന് മറുപടി പറഞ്ഞത് സാക്ഷാൽ ഗോകുൽ സുരേഷാണ്.
‘നിങ്ങൾ നിർമാതാക്കളോട് ചോദിക്കുക, അവർ എന്തിന് ഇങ്ങനെ ചെയ്തൂ എന്ന്. ഇതുപോലെ എല്ലാവരും ചോദിക്കുകയാണെങ്കില്‍ മറുപടി പറയാൻ അവർ നിർബന്ധിതരാകും. പക്ഷേ അവർ നുണ പറയുകയാണെങ്കിൽ പിന്നീട് സംസാരിക്കുന്നത് ഞാനായിരിക്കും.’-ഇങ്ങനെയായിരുന്നു ഗോകുലിന്റെ മറുപടി.
കഴിഞ്ഞ വർഷം റിലീസ് ചെയ്യേണ്ടിയിരുന്ന ‘സായാഹ്ന വാർത്തകൾ’ എന്ന സിനിമയെക്കുറിച്ചാണ് ഗോകുൽ പറയുന്നതെന്നാണ് ആരാധകരുടെ കണ്ടെത്തൽ. അരുണ്‍ ചന്തുവാണ് സിനിമയുടെ സംവിധായകന്‍. 2019ൽ ചിത്രീകരണം പൂർത്തിയാക്കിയ സിനിമ ഇതുവരെയും റിലീസ് ചെയ്തിട്ടില്ല.
You must be logged in to post a comment Login