സംസ്ഥാനത്ത് 175 മദ്യശാലകൾകൂടി തുടങ്ങണമെന്ന ബെവ്കോയുടെ ശുപാർശ എക്സൈസിന്റെ പരിഗണണയിലാണെന്ന് സർക്കാർ ഹൈക്കോടതിയിൽ. വാക്-ഇൻ മദ്യശാലകൾ തുടങ്ങണമെന്ന ഹൈക്കോടതി നിർദേശവും പരിഗണനയിലാണെന്നും സർക്കാർ കോടതിയെ അറിയിച്ചു. ഇതിനിടയിൽ മദ്യക്കടകൾ സമീപവാസികൾക്ക് ശല്യമാകരുതെന്ന് ഹൈക്കോടതി നിർദേശിക്കുകയും ചെയ്തു.
ബിവറേജസ് ഔട്ട്ലെറ്റുകളുടെ പരാധീനതകൾ സംബന്ധിച്ച ഹർജി പരിഗണിക്കവേയാണ് ഇത്തരത്തിൽ ഒരു അഭിപ്രായം ബെവ്കോ മുന്നോട്ടുവെച്ചിട്ടുണ്ടെന്ന് സർക്കാർ ഹൈക്കോടതിയെ ഔദ്യോഗികമായി അറിയിച്ചത്. എന്നാൽ ഇവയ്ക്ക് അനുമതി നൽകുന്ന കാര്യത്തിൽ അന്തിമ തീരുമാനം എടുത്തിട്ടില്ല.
അതിനിടെ, വാക്ഇൻ കൗണ്ടറുകൾ വഴിയും മദ്യം വിൽക്കുന്നത് പരിഗണിക്കണമെന്ന് നേരത്തെ ഹൈക്കോടതി നിർദേശിച്ചിരുന്നു. കോടതിയുടെ ഈ നിർദേശവും പരിഗണനയിലുണ്ടെന്ന് സർക്കാർ ഹൈക്കോടതിയിൽ വ്യക്തമാക്കിയിട്ടുണ്ട്.
You must be logged in to post a comment Login