വയനാട് പൂക്കോട് വെറ്ററിനറി കോളേജ് വിദ്യാർത്ഥികളിൽ നോറോവൈറസ് ബാധ സ്ഥിരീകരിച്ചു. പെട്ടെന്ന് പടർന്ന് പിടിക്കുന്ന നോറോവൈറസ് ബാധ കൂടി കൊവിഡ് മഹാമാരിക്കാലത്ത് കണ്ടെത്തിയതോടെ, വയനാട്ടിൽ ആരോഗ്യസംവിധാനങ്ങൾ ഉണർന്ന് പ്രവർത്തിക്കേണ്ടതുണ്ടന്നും നോറോവൈറസ് സ്ഥിരീകരിച്ചതിൽ ആശങ്ക വേണ്ടെന്നും ജാഗ്രത പാലിക്കണമെന്നും ആരോഗ്യമന്ത്രി വീണാ ജോർജ് വ്യക്തമാക്കി.
മന്ത്രിയുടെ നേതൃത്വത്തില് ആരോഗ്യ വകുപ്പിന്റെ യോഗം ചേര്ന്നു. പ്രതിരോധ പ്രവര്ത്തനങ്ങള് ഊര്ജിതമാക്കാന് നിര്ദേശം നല്കിയതായും സൂപ്പര് ക്ലോറിനേഷന് ഉള്പ്പെടെയുള്ള പ്രവര്ത്തനങ്ങള് നടന്നു വരികയാണെന്നും ആരോഗ്യമന്ത്രി അറിയിച്ചു.
പൂക്കോട് വെറ്ററിനറി കോളേജിലെ കുടിവെള്ളസ്രോതസ്സ് മലിനമാക്കപ്പെട്ടതാണ് രോഗം പടരാൻ കാരണമെന്നാണ് ആരോഗ്യവകുപ്പ് കണ്ടെത്തിയിരിക്കുന്നത് .കുടിവെള്ള സ്രോതസ്സുകള് ശുചിയാണെന്ന് ഉറപ്പ് വരുത്താനും നിർദേശം നൽകി.
You must be logged in to post a comment Login