കേരള വ്യാപാരി വ്യവസായി ഏകോപനസമിതി കല്ലമ്പലം യൂണിറ്റും ചിറയിൻകീഴ് മേഖല കമ്മിറ്റിയും സംയുക്തമായി വ്യാപാരി പണിമുടക്ക് സങ്കടിപ്പിച്ചു. കടമ്പാട്ടുകോണം-കഴക്കൂട്ടം ദേശീയപാതാ വികസനത്തിൽ കല്ലമ്പലം ജംഗ്ഷനിലെ ഫ്ലൈഓവർ പില്ലറിൽ നിർമിക്കണമെന്നും കുടിയൊഴിപ്പിക്കുന്ന വ്യാപാരികൾക്ക് നഷ്ടപരിഹാരം നൽകണമെന്നും ആവശ്യപെട്ടാണ് കല്ലമ്പലത്ത് വ്യാപാരികളുടെ പ്രതിഷേധവും വ്യാപാരികൾ കടയടച്ച് പോസ്റ്റാഫീസ് മാർച്ചും ധർണയും നടത്തിയത്.
ഈ ആവശ്യമുന്നയിച്ച് ദേശീയപാതാ അധികൃതർക്കും സംസ്ഥാന സർക്കാരിനും നിവേദനങ്ങൾ നൽകിയിട്ടും തീരുമാനമുണ്ടാകാത്തതിൽ പ്രതിഷേധിച്ചാണ് സമരം നടത്തുന്നതെന്ന് വ്യാപാരികൾ പറഞ്ഞു.
ഇത് സൂചനസമരമായി എടുത്ത് ആവശ്യങ്ങൾ അംഗീകരിക്കണമെന്നും ഇല്ലെങ്കിൽ സമരം വ്യാപിപ്പിച്ച് ആവശ്യങ്ങൾ അംഗീകരിക്കുന്നതുവരെ മുന്നോട്ടു പോകുമെന്ന് സമിതി അറിയിച്ചു.
You must be logged in to post a comment Login