സംസ്ഥാന സർക്കാർ നടപ്പിലാക്കുന്ന ആരോഗ്യ ഇൻഷുറൻസ് പദ്ധതിയായ മെഡിസെപ്പിൽ നിന്നും എയ്ഡഡ് സ്ഥാപനങ്ങളിൽ നിയമന അംഗീകാരം ലഭിക്കാതെ ജോലി ചെയ്യുന്നവരെ പുറത്താക്കി. നിയമന അംഗീകാരം ലഭിക്കുമ്പോൾ ഇവരെ പദ്ധതിയിൽ ചേർത്താൽ മതിയെന്നും സർക്കാർ നിർദേശിച്ചു. ആരെയെങ്കിലും ചേർത്തിട്ടുണ്ടെങ്കിൽ അവരെ ഒഴിവാക്കും.
ഇവരൊഴികെ മറ്റെല്ലാ സർക്കാർ ജീവനക്കാർക്കും പെൻഷൻകാർക്കും പദ്ധതി നിർബന്ധമാക്കി ധനകാര്യ-പെൻഷൻ വകുപ്പ് സർക്കുലർ പുറത്തിറക്കി. മെഡിസെപ്പിന്റെ വിവരശേഖരണ പരിശോധനയുമായി ബന്ധപ്പെട്ടാണ് ധനകാര്യ വകുപ്പ് സർക്കുലർ പുറപ്പെടുവിച്ചത്.
നിയമന അംഗീകാരം ലഭിക്കാത്ത ജീവനക്കാരെ പട്ടികയിൽ ഉൾപ്പെടുത്തിയിട്ടുണ്ടെങ്കിൽ അടിയന്തരമായി പട്ടിക ധനകാര്യ വകുപ്പിനെ അറിയിക്കണമെന്നും സർക്കുലറിൽ വ്യക്തമാക്കുന്നു.
You must be logged in to post a comment Login